النهارده جايبالكوا 3 انواع من اسماك البحر الاحمر(سنجارى-مرجان-حريد)
ع طريقة مامتى حبيبتى نبدأ بسم الله:
الاول هنغسلهم كويس جدآ ونسيبهم شوية ف خل وملح وليمون ودقيق
التتبيلة هنستخدمها ف ال3 انواع:
توم-كسبرة خضرة-فلفل-خل-ملح-ليمون-فلفل اسود-كمون - كسبره جافه
دى اول نوع السمكة السنجارى: نغسلها كويس بالملح والدقيق والخل او الليمون
ونضيف التتبيلة اللى فاتت ونضيف بصل شرايح وطماطم وفلفل وتوابل وليمون
ولازم التتبيلة تدخل ف كل مكان ف السمكة كويس جدآآآآ
ونضيف التتبيلة ع السمكة من برة من الناحيتين وشوية زيت
ونفتح فتحتين من الجنب ونحشيها بالتتبيلة كويس وندخلها الفرن
وده شكلها جاهزة للتقديم
الحشو من جوه
وده تانى نوع سمك المرجان:
هنستخدم نفس التتبيلة اللى فاتت ونفس الحشو وندخلها الفرن او ممكن تتبليها بدون الحشو وتقليها ودى احلى نوع فيهم
نيجى بقى لاخر نوع سمك الحريد:
زى ماقولت التتبيلة هنستخدمها ف ال3 انواع..
هنتبل السمك ونسيبه شوية وعند القلى نضيفه ف الدقيق وبعدين نقليه او ممكن دقيق وبقسماط(حسب الرغبة)
قدمت معاهم رز
وسلطة طحينة وسلطة خضرا
وكدا الاكل جاهز بألف هنا وشفا
ليست هناك تعليقات:
إرسال تعليق