الأربعاء، 23 أبريل، 2014

معلومات عن البحر والرياح بأنواعها (شرقيه_غربيه_شماليه)




معلومات عن البحر والرياح بأنواعها (شرقيه_غربيه_شماليه)
:::::::::::::::::::::::::::::::::::::::::::::::::::::::::::::::::::
السمكة ممكن تكون فى مكان ما بتاكل على الريح الشرقى او الريح الشديد ....و ممكن فى اماكن تانيه ما تاكلش و العكس برضو بالنسبه للريح الغربى .... يعنى اتجاه الريح مالوش مقياس فى كميه السمك لكنه له مقياس فى تحديد اسلوبك انت فى الصيد .....ولكن سرعه الريح هى اللى بتحدد انك هتصطاد من عدمه .....

لكن افضل الرياح على العموم فى احوال الصيد عموما ( البحرى الخفيف الثابت ) البوستاشيه كما يطلق عليه وهو لا يزيد عن 10 الى 18 ك فى الساعه شمالى ....ولا يفضل العدل مثلا من 3 الى 11 ك فى الساعه سوى فى التسقيط و الغطس ....

الميه بقى و عكرها او صفائها ده بخليك تحدد نوع المرامى و نوع الطعم .... يعنى مثلا لو الميه صافيه تحتيك يبقى الدود و البرغوت على الساحل وعلى الشطوط هيتضرب حلو جدا ...

لكن لو الميه فيها ( ترمه ) عكره بيضاء شبه الجير كده بيبقى الأكل ضعيف و لازم حاجه زفره جدا زى الجندوفلى الأحمر او السردنيلا و بالعافيه تاخد لك كام سمكه ....

لو الميه لونها زيتونى ومش كاشفه دى افضل المياه بالنسبه للصيد و يا سلام بقى لو معاها ريح بحرى ( شمالى ) و ثابت و سرعته معقوله يبقى توقع تاخد سمك زى ما أنت عاوز....

الميه الحمراء ( المطحنه ) بيكون فيها سمك بس لازم تراعى ان الطعمه تبقى صغيره و ترد على اى نقره عشان السمك بيكون بياكل بخبث وتراعى فى الميه الحمراء بالليل وجود ( المرو ) فلازم تراعى انك تصغر الطعم و تستخدم رصاص فقط بدون مداور بتملع و الشعر ما يتحركش كتير فى الميه و تستخدم جوز واسع جدا و شعر رفيع ...

المشاركات الشائعة

أرشيف المدونة الإلكترونية