الأربعاء، 16 أبريل، 2014

تسالى شم النسيم(ترمس وفول وحمص)

تسالى شم النسيم(ترمس وفول وحمص) 


كل سنه وانتم طيبين النهارده جيبالكم طرق الترمس والفولوالحمص 



زى الراجل اللى بيمشى بالعربيه على الكورنيش بعربية الترمس انا بشوف الناس بتعمل

الترمس والحمص بس انا النهارده زودت الفول اصل انا بحبه اوى سعيدة قوي كفايه رغى وندخل

فى المفيد اكيد كلنا عارين الطرق بس انا هقولهالكم تانىسعيدة قوي

اولا الترمس :::::::::

نجيب الكميه بتاعتنا وننقعها فى ميل قبلها بليله وبعدين نغسله ونسلقه ونسيبه يبرد ونصفى

ميته ونحطه فى طبق ونغير الميا كل شويه عشان المراره اللى فيه تروح وكل ما غيرنا الميا اكتر

كل ما اتعمل اسرع هو فى الترمس الفورى اللى بيتسلق وبيتاكل على طول بس طعمه مش حلو زى

العادى الل بياخد 3 ايام دا وبعدين لو دوقتيه ولاقيتى المراره راحت يبقى حطى الملح حسب الرغبه

وسيبيه فى الميا بتاعته فى التلاجه عشان ميجرالوش حاجه لا يبوظ الميا تحفظه وتطلعى من الميا

وتحطى فى اطباق عند الاكل وممكن تحطى ليمون وتحطى كمون وشطه حسب الرغبه ودا شكله

تسالى شم النسيم(ترمس وفول وحمص)

ثانيا طريقة الفول::::::

نجيب الفول بتاع التدميس العادى وننقيه وننقعه برده ليله كامله ونسلقه فى الحله سلق عادى

ولما يستوى نحط لملح والكمون والشطه والفلفل حسب الرغبه ودا شكله
تسالى شم النسيم(ترمس وفول وحمص)

ثالثا طريقة الحمص::::::::
نجيب الحمص برده ننقيه وننقعه ليله ونغسله ونسلقه ونحط برده الملح والكمون والفلفل
والشطه حسب الرغبه الملح اساسى فى اى حاجه والباقى اختيارى يا عسلات ودا شكله

تسالى شم النسيم(ترمس وفول وحمص)
وممكن كمان نحط بصل مخلل مع التسالى دى يبقى جامد نقدر نسميها المذه سعيدة قوي


ملحوظه :::كل صنف يا جماعه يفضل فى ميته للحفاظ عليه فى التلاجه اكبر فتره ممكنه

وكده الحمد لله خلصت ويارب تقييموا يا قمرات وتردوا وتسعدونى بمشاركاتكم

المشاركات الشائعة

أرشيف المدونة الإلكترونية