طـَرّاحه (أو طـُرّاحه) (Tarra7a) (عام) / شاعه/ خـَدَّاجه(منزله, مطريه, بحري)ـ
طريقة صيد بالشَبك قديمه وبقيت مش منتشره أوي في مصر دلوقتي عشان مابتجبش سمك اوي.الشبكه بتبقى مقفوله من ناحيه ومفتوحه من ناحيه تانيه. الناحيه المقفوله بيبقى مربوط فيها حبل لافف على إيد الصياد الشمال, والناحيه المفتوحه بيبقى مربوط فيها تئالات [رصاص] عشان تغطَّس الشبكه. الشبكه بتتحِدِف (تتطِرِح) بطريقه معينه على وِش الميه تقوم الناحيه المفتوحه من الشبكه تنفِرِد على شكل دايره وبعدين تغطس. وشويه شويه الصياد يبدأ يشد من الناحيه اللي عنده (المقفوله), تقوم الشبكه شويه شويه تِقفِل على السمك اللي تحت الشبكه. اوقات بتتنطق طـُرّاحه
ليست هناك تعليقات:
إرسال تعليق