الاثنين، 30 يونيو، 2014

احلى عزومه سمك فى رمضان....




كل سنة وانتم طيبين رمضان كريم ويا رب كلنا نخرج منه مغفور لنا بإذن الله

اولا:الجمبرى
اول نوع المشوى ودا بتبله بتوم وصوص صويا وكرفس وكمون وبهرات سمك وليمون وخل بسيبه فى التتبيلة حوالى ساعتين وبعدين بشويه على الجريل وادي صورته ايه معلش انا مش مصورة الخطوات انتوا عرفين بقى صيام وكنت بلف حولين نفسيابتسامة
عزومة السمك فى رمضان ولا اروع
تانى نوع جمبرى بالصوص ودا بعمله بقشره برضوا بشوحه فى بصلة مقطعة ومعاها فلفل رومى وتوم وبحط عليها طماطم مقطعة وكرفس وبهرات سمك وبشوحهم حوالى خمس دقايق وبعدين بحط شوية ماية صغيرين واسبهم 10 دقايق يغلو وخلاص كدا يبقى استوى وادي صورته معلش مش واضحة قوى لأن المكونات كان اكتر من الجمبريباضحك
عزومة السمك فى رمضان ولا اروع
ثانيا السمك 
اول نوع السمك المقلى طبعا كلنا عرفين طرقته هو سمك فليه تبلته وبعدين حطيته فى دقيق وقليته
عزومة السمك فى رمضان ولا اروع
تاني نوع سمك مشوى بالزيت والليمون عبارة عن سمكتين بوري تبلتهم وبعدين حطيتهم فى الصنيه وفتحتهم بالسكينة من فوق عشان يستوو كويس وحطيت عليهم زيت وليمون وعلى الفرن وادى الصورة
عزومة السمك فى رمضان ولا اروع
واخير سمك بوري مشوى 
طبعا اتبل بالطريقة العادية بس وانا بشويه على النار بحط جواه سلطة خضرا بتخلى طعمه جميل جدا
عزومة السمك فى رمضان ولا اروع
والرز بقى عملته بالجمبرى ودى طريقته هنا
http://forums.fatakat.com/thread4092204
وادى صورته
عزومة السمك فى رمضان ولا اروع
وكمان اجمد حاجة بحبها فى عزومة السمك شوربة السي فود وطريقتها هنا
شوربة السى فود بتاعة المطاعم و اتحدى بيها احسن مطعم اسماك
وادي صورها
عزومة السمك فى رمضان ولا اروع

واخيرا المقبلات
انا معملتش سلطة طحينة مش عارفة ازاى تاهت عن بالى دى 
عملت سلطة خضرا
عزومة السمك فى رمضان ولا اروع
وبدنجان مخلل
عزومة السمك فى رمضان ولا اروع
وبطاطس مخللة وطريقتها هنا
http://forums.fatakat.com/thread3494505

عزومة السمك فى رمضان ولا اروع
وطماطم مخللة وطريقتها هنا
http://forums.fatakat.com/thread667419
عزومة السمك فى رمضان ولا اروع
اه صحيح نسيت الخشاف

ودلوقتى صور تجميعية للسفرة على بعضها
عزومة السمك فى رمضان ولا اروع
عزومة السمك فى رمضان ولا اروع
عزومة السمك فى رمضان ولا اروع
يا رب تكون عجبتكم ومتنسوش التقيم ودعوة حلوة فى الشهر الكريم

المشاركات الشائعة

أرشيف المدونة الإلكترونية