السبت، 7 يونيو 2014

كيف تختار الديدان المستخدمة بالمياة العذبة و المالحة........




دود ارض بـلدى :
وهو يستخرج من الاراضى الزراعية التى تستخدم السماد العضوي وبيكون لونه احمر ومتوفر بمحلات الصيد النطاط: وهو يستخرج من حدائق الفاكهة خاصة الموز وهو كثير الحركة ( بيتنطط ) ومتماسك ولا يعيش خارج التربه الخاصة به لونه اسود من فوق واحمر من تحت وفية خط بعد راسة

الطعم الافرنجى :
يستخرج من حواف الترع والمصارف وهوه كبير الحجم ويلقب بالطعم الزفر لانه ذو رائحه نفاذه الدود الاسمعيلاوي: الدود الإسماعيلاوي قد يصل طولها إلى متر و نصف و يقوم البائع بتقطيعها إلى عشرة أو أكثر قطعة حسب طولها ليقسمها على أكبر عدد من الطرود بعد أن يضعها في قطعة خيش في حجم طابع البريد و يلفها في ورق الجرائد ليقلل من المصروفات و يكثر من الربحية


الدود المشــرشــر
زى الاسماعيلاوى ولكن اصغر و اضعف لازم تعيشه في اناء به الماء الذى اخذ منه وعند الاستعمال يوضع على قماشة جافة لمدة 5 دقائق ثم يدكك للاستخدام للقاروص واللوت والنقط غالبا في المعدية و رشيد.

دود الرمــــل
حجم القراص ولون الاسماعيلاوى يتميز بتماسكه الشديد لدرجة انك من الممكن ان تاخذ أكثر من سمكة بنفس الدودة .اساسا للميرمار و الميرا والشراغيش.

الدود الأبيض
عند شراؤه لابد أن تتأكد إنه حي ، لأنه بطبعة روحه قصيره ، وللحفاظ
عليه يجب استمرار تغيير الماء له لتجديد الأكسجين أو استخدام موتور الهواء المستخدم في احواض السمك الزينة و يباع عند محلات اسماك الزينة وفيه نوع يعمل بشاحن بس سعرة عالي شوية 75 جنيه تقريبا

و الدود الأبيض ندعوه دود الصخور وهو ممتاز جداً للبوري الضخم ( كيلو وما فوق ) ونحصل عليه من صخور البحر المثقوبة بشدة وذلك بوضع حمض الليمون المركز نسبياً في وعاء ونأتي للصخرة في حال الجزر ونرشها به وخلال ثواني يبدأ هذا الدود بالخروج

والدود الابيض شبيه الي حد ما بالدود السمعلاوي لكن بيكون حجمه صغير بكتير اذا قورن بالاسمعلاوي وبيجي من السويس والاسماعلية في اكياس بها ماء مالح

الدود القراص:
هي الدودة الي لها أرجل كثيرة وطول الدودة من 7 إلى 10سم دود مشرشر: الدود المشرشر يباع في اكياس بلاستيك مملوءة بماء البحر لتظل حية

دود السبلة :
ودة هنتكلم عنه لوحدها بس امسك بطنك اثناء القراءة طريقة حفظ الطعم : دة بالنسبه للبلدي أكثر مدة هيعشها 10 ايام يمكن المحافظه على الدود بتنظيفه من الطين والعوالق ووضعه في جريده ولفه جيداً وبعدها قطعه قماش مبلوله ويلف ويوضع في كيس وبعدها في درج الثلاجه في اقل مكان تبريد وهو درج الثلاجه ويكشف عليه كل ثلاثه ايام .

واحترس لانه ممكن يسرح في الثلاجة فاحكم عليه كويس وهناك طريقة اخري بانك تجيب حتة خيش من عند المنجد إلى بيحط فيه القطن وتبلها خفيف وتحط الطعم فيها بعد التأكد من ان الطعم لا يوجد به من هو تالف وتحطها في كوز صاج وتسيبه مفتوح وتشيله في مكان بة رطوبة يعنى مثلا على سيراميك ومكان ظل و وتظل تتابع عليه ببخة ميه على الخيشه كل كام يوم

اما لو طعم نطاط تجيب طينة من نفس المكان بتاع الطعم وتحط الطعم فيها وتجيب جردل بلاستيك او صفيحة المهم اى حاجة وتخرمها من تحت اخرام صغيرة اوى وتملأ نصفها طينة وتضع الطعم على وش الطينة الطعماية اللى هتموت مش هتنزل في الطين ودى يا ترميها او تصطاد بيها وخلى الطينة دائما طرية (رطبة( تقوم بالرش بقليل من الماء ومتكترش المية عشان ممكن الطينة تعفنة وتخلية في مكان بعيد عن الشمس او الحرارة

دود الـنيــــــل
نوع طعم يشبه دود الارض معتقدش ان كتير شافه او حتى سمع عنه و يتوفر في الصعيد ومواصفات الدود الشبه اقرب جدا إلى دود الارض العادى لكن الفرق انه نسبة اللحم في الدود النيلى أكبر منها في دود الارض العادى ولو اتقطع بتلاقى كميه دم رهيبه نزلت منه وطبعا دى أكثر شئ بيجزب الاسماك

وكمان سبحان الله الخالق العظيم لو عملت مقطع عرضى في الدودة مش بتلاقيه على شكل دائرى كما الحال في دود الارض لا بتلاقيه مثلث سبحان الله وكمان الملمس بيكون خشن نسبيا عن دود الارض نظرا لمكان معيشته مكان تواجدة مكان تواجدة بيكون على ضفاف النيل في المنطقه التى تكون وسطيه يعنى المياه على ارتفاع سنتى متر او اتنين بالكتير والرمليه طبعا

ويا سلام لو لقيت حجر نصه فوق الميه والنص التانى في الرمله دة يعتبر كنز تعرف تعمل ايه تشل الحجر وبسرعه البرق تكبش كبشه من الطمى اللى تحتيه وتطلعها تدور فيها تلاقى شويه حلوين بس انا بقول بسرعه البرق ودة بسبب انه سريع جدا في الحركه وشرط وجود نباتات او طمية لونها اسود تحت الاحجار على ضفاف النيل

وتخلي بالك كويس عشان أبو جلمبو وقرصو ترفع الحجر وتمد ايدك تاخد بسرعة اللي تحتها عشان الدود النيلي بيهرب بسرعة غير عادية في الطمية المائية تحت الهيش و النباتات المائية تخلعها وتطلع من تحتها الطينة هو داخل الطينة مميزاته تقبل عليه الاسماك بصفه عامه اقبال منقطع النظير يعنى لو معاك الدود دة صعب جدا انك تروح فاضى وطبعا كله بأذن الله

عيوبه بيتقطع بسرعه وصعب انه يعيش خارج المكان بتاعه لذا مش هتلاقيه بيتباع زى الدود العادى للاسف حفظ الدود النيلي ويتم حفظه في الحشيش المائي وليس ورد النيل ( شبة الخيوط الدوبارة في المياه العذبة وموجودة بكثرة )

وللحفظ يتبع الاتي

1-أستخرج الطعم بنفسك او عن طريق متخصص من الصيادين المتواجدين بالمنطقة

2- افرز الطعم كويس جدا من اي دودة مقطوعة او مجروحة ولو جرح صغير جدا

3- اخلع من المياه هذا النبات ( اشبة بالحبال العايمة في المياه )

4- اغسله في مياه النيل قبل ما تبدأ بيه الحفظ 5- لفه 3 لفات بطريقة دائرية ( اشبه ما يكون بالعش ) ضع الدود داخل العش 6- غطي باقي الدود بباقي النبات

7- احفظه بالثلاجة او اي علبة صفيح وضع قليل جدا من الماء على فترات 8- الطعم لو اتحفظ بالشكل ده ممكن يعيش ان شاء الله اكتر من 10 ايام الدود كائن حي يتغذى على المخلفات العضوية والنباتات لذا من الصعب جدا وجوده في المنطقة الرملية بالنيل وده عن تجربة

المشاركات الشائعة

أرشيف المدونة الإلكترونية