(بعض انواع الاسماك فى النيل)

12345

1 – بعض انواع السمك الموجودة هناك لانى طبعا معرفهاش كلها نبدأ بالاكثر شهرة
- البلطى طبعا
- القرموط
- الكركور طبعا الصيد فى النيل
- البلطى طبعا
- القرموط
- الكركور
- الشال ودة منه نوعين هنتكلم عنهم فيما يلى
- البياض ( العبيد)
- الشلب ( الشلبايه كما يطلقون عليها)
- الانوم ( المز)
- الرعاد ( الرعاش )
- الدقماق ( دكر العبيد ) ودة بيوصل لاحجام رهيبه انا شفتها بنفسى حوالى 80 كيلو جرام وفى اكبر
2- معدات الصيد
طبعا معدات الصيد متختلفش عن الصيد فى اى مكان الا ان القصبات ( البوص ) 90% منه لازم يكون مكن وانواع نضيفه جدا لتتحمل الاحجام الكبيرة
اما القصبات اللى من غير مكن قليله جدا وتستخدم غالبا لصيد البلطى 3 – انواع الطعم

لا يوجد فى الصعيد طبعا الجمبرى ولا الدود الاسمعلاوى ولا الدود القراص ولكن الموجود هو
دود الارض – العجينه – الغله – العنب – مصارين الفراخ – وبعض المحارات اللى بتكون موجودة على شاطئ النيل – والسمك ( بعض الانواع تستعمل طعم )
4 – طرق الصيد والطعم المفضل لكل نوع من السمك بالترتيب

- البلطى

بما ان البلطى فى الصعيد احجامه معقوله شويه فالسن المستخدم له بيكون ما بين ( 9 و 6) وطبعا بيقبل على اى نوع من الطعم ( دود الارض – العجينه – الغله ) وطبعا المكة بتكون بجانب الشط او بين الحشيش ونادرا ما بتكون فى عمق النيل

- القرموط

طبعا دى اكتر سمكه بتاكل اى حاجة موجودة فى الميه ودى حكمه من ربنا لانه بتعمل على تنظيف المياه من اغلب القازورات يعنى فار ميت فرخه ميته سمك ميت اى حاجة متعفنه وخلاص من الاخر دى عامله زى القشاش بتاكل اى حاجة فى سكتها وبتيجى بأى طعم واى حجم سن الا انها ممكن تاكل كمان العنب والاحجام الكبيرة منها ممكن نحطلها الطعم عبارة عن فرخه ميته وفى ناس بتعملها عجينه بس يتخلى العجينه تتعفن علشان يكون لها رائحه نفازة تجزب القرموط وممكن تضيف لها روائح من عند العطار اسمها ( الحنتيت ) ويفضل لو وضعنا فى العجينه دماء اى زبيحه
سن 1 للقرموط))

- الكركور
الكركور هو صغير الشال وسمى بهذا الاسم لانه بيطلع صوت اشبه بالكركرة وهو طالع من الميه وده بياكل دود ونادرا لما بيجى بالغله او بأى شئ تانى

- الشال
هو اكبر طبعا من الكركور بس نفس الشبه وبيكون له 3 شوكات اتنين فى الجنبين وواحدة فى الظهر وبيكونو جمدين جدا ومدببين الاطراف واحد اجناب الشوكه مسنن اشبه ما يكون بالمنشاروتكون حادة جدا ودة منه نوعين
الشال العادى وبيكون الظهر رمادى فاتح والبطن بيضاء جدا
والنوع الثانى بيسموه شال الحجر ودة لانه بيعيش بين الاحجار ولون ظهرة بيكون رمادى غامق جدا والنوع دة لازم تاخد بالك منه لانه لو كل الطعم ودخل الحجر يبقى عوضك على الله فى القرمه كلها لانه بيفرد الشوكتين اللى فى الجنبين ويصدرهم فى الحجر ومن المستحيل انه يطلع بعدها لانى بحس ان الشوكتين دول متركبين على مفصلات جامدة جدا لو طلعته فى ايدك وحولت انك تتنى الشوكة للجنب مستحيل انا جربت كدة فعلا ومعرفتش
ودة بيفضل دود الارض كباقى الاسماك ومكان وجودة قرب القاع وخاصه الاماكن اللى بيكون فيها حجارة

- البياض ( العبيد)ودى سمكه قريبه الشبه بالقرموط والطعم المفضل ليها طبعا دود الارض وقطع السمك والحم اللى بيكون داخل المحارات اللى موجودة على ضفه النيل

- الشلب ( الشلبايه كما يطلقون عليها)
دى سمكة شكلها رقيق جدا ونادرا لما بتطلع فى السنارة لان ليها طريقه مخصوصه بيها لانها بتتغزى على الحشرات فهى بتاكل قرب سطح الميه وممكن تاكل دود الارض وغالبا لما بتطلع معايا بصفه خاصه بتكون كلت الطعم اثناء مهو نازل يعنى ميكنش لحق ينزل وبتلاقى السنارة جريت منك مع التيار بسرعه بتعرف ان دى شلبايه وطعمها جميل جدا

- الانوم ( المز)
انا شخصيا بحب السمكه دى جدا نظرا لشكلها الغريب وكمان انها بتعزنى جدا لانها بتطلع معايا كتير جدا مواصفات السمكة انها جسمها ناعم والشوك اللى فيها قليل جدا لذلك نادرا لما بتيجى بالشبك ولازم لصيد السمكه دى يكون معاك سن صغير جدا يعنى 12 او 11 ويكون ربط الشعر فى السن قليل يعنى لفتين تلاته بالكتير علشان ميشغلش حيز من السن علما بأن بق السمكه صغير جدا وله شكل غريب اشبه بخرطوم الفيل( على فكرة صورتها موجودة فى الموسوعه اللى عاملها احد السمكاويه عن الاسماك اللى بتعيش فى النيل ) والطعم عبارة عن دود الارض فقط وبتكون موجودة قرب قاع النيل .

- الرعاد ( الرعاش )
من اسم السمكه نعرف ان لها علاقه بالرعد او الرعشه فعلا لانها بها شحنه كهربيه ترعش وتؤلم من يحاول ان يمسك بها وهى على قيد الحياه والحل لو طلعت معاك اما انك تمسكها بأى عازل او تتركها لحد متموت ودى بتكون موجودة بين الحجارة والطعم عبارة عن دود الارض او مصارين الفراغ 

(سمك زرقان)

سمك زرقان من أسماك البحر الاحمر وهو لونه ازرق غامق ونوع منه ياتي ازرق وعليه خط اصفر  وسريع جداً وذيله على شكل هلال و يتم صيدة بواسطة السنارة مع طعم خبز صامولي(فينو) و خطاف ثلاثي بربط عدة خطافات و لفها على قطعة الخبز الصامولي .

سمك شعري 

يوجد نوعين من الشعري يشبهون بعض نوعا ما واحد لحمه يابس والثاني طري لذيذ .
مكان تواجدها : تتواجد سمكة الشعري بكثرة قرب المرجان , و المناطق الصخرية, و أيضا في القيعان العشبية ، وتتغذى على الرخويات و الديدان البحرية والأعشاب البحرية .
تتميز الشعري بلونها الفضي به لمعة زرقاء,و فمه بارز, ولها القدرة على التحمل في البيئات القاسية.
والشعري من الأسماك المشهورة في الخليج العربي ولها قيمة اقتصادية كبيرة ، تحافظ على جودتها لفترة طويلة في المجمدة ويفضل أن يكون الحجم متوسط بحدود 20 -25 سم.
طرق الصيد : بالقراقير وبالحداق ( يكون الميدار(10 و اقل ) اولاً ومن ثم البلد يعني ترديعه ويكون طوله معتدل ) ويستخدم الحبار ( الخثاق ) كطعم له أو السلس الطازج والروبيان.

سمك صافي

سمك صافي

سمكة الصافي سمكة تكثر في الخليج العربي وهي من أكثر السمكات التي تؤكل عند اهل الخليج.

ا

سمك الكنعد

لكنعد تنحدر من سلالة أسماك التونة وهي من الأسماك الشهيرة والمرغوبة في الخليج العربي تسمى في بعض المناطق : دراك , ديرك . وهي من الأسماك المهاجرة الباحثة عن البيئة الغذائية الملائمة ، ومصائدها تتوزع على طول سواحل عدة دول. وتتأثر هذه السمكة بدرجة الحرارة والتيارات حيث إنها تهاجر من منطقة إلى أخرى لان تغييرات درجة الحرارة تؤدي إلى اندفاع الماء البارد الغني بالمواد الغذائية من القاع إلى السطح.

سمك هامور

الهامور لمعروف أيضا باسم الجروبير العربي هو نوع من أنواع الاسماك الكبيرة التي تنمو وتتكاثر في مياه البحر الأحمر والخليج العربي وهو معروف بكثرة في دوله الست ويمتاز هذا النوع من السمك بطراوة لحمه وله نكهة خاصة ويستعمل بكثرة بالمناسابات والمأكولات المعروفة ويعتبر من أغلى الأنواع ويتراوح وزنه من أقل من كيلو جرام إلى عشرين كيلو جرام ويندرج تحت هذا النوع أيضاً أصناف متعددة يعرفها أهالي المنطقة

سمك الناجل
السمكة الرمز في البحر الأحمر...في الفترة الأخيرة....هي الناجل....وصلت سمعتها الى الخليج و الى جميع مناطق المملكة و حتى الجانب المقابل من البحر الأحمر...يزداد اشتهار هذه السمكة يوما بعد يوم... مع أنها لم تكون كذلك في الماضي...و هي كذلك مشهورة في أستراليا بإسم Coral Trout ومحبوبه في بعض المناطق هناك و معروفة تقريبا في جميع المناطق الاستوائية و الشبه استوائية و لكن شهرتها الخاصة جدا بين أهل الحجاز بالسعودية.