اسماك نهر النيل

(أسماك نهر النيل)

بعض انواع السمك الموجودة هناك لانى طبعا معرفهاش كلها نبدأ بالاكثر شهرة
- البلطى طبعا
- القرموط
- الكركور طبعا الصيد فى النيل
- البلطى طبعا
- القرموط
- الكركور
- الشال ودة منه نوعين هنتكلم عنهم فيما يلى
- البياض ( العبيد)
- الشلب ( الشلبايه كما يطلقون عليها)
- الانوم ( المز)
- الرعاد ( الرعاش )
- الدقماق ( دكر العبيد ) ودة بيوصل لاحجام رهيبه انا شفتها بنفسى حوالى 80 كيلو جرام وفى اكبر
2- معدات الصيد
طبعا معدات الصيد متختلفش عن الصيد فى اى مكان الا ان القصبات ( البوص ) 90% منه لازم يكون مكن وانواع نضيفه جدا لتتحمل الاحجام الكبيرة
اما القصبات اللى من غير مكن قليله جدا وتستخدم غالبا لصيد البلطى 3 – انواع الطعم

لا يوجد فى الصعيد طبعا الجمبرى ولا الدود الاسمعلاوى ولا الدود القراص ولكن الموجود هو
دود الارض – العجينه – الغله – العنب – مصارين الفراخ – وبعض المحارات اللى بتكون موجودة على شاطئ النيل – والسمك ( بعض الانواع تستعمل طعم )
4 – طرق الصيد والطعم المفضل لكل نوع من السمك بالترتيب

- البلطى

بما ان البلطى فى الصعيد احجامه معقوله شويه فالسن المستخدم له بيكون ما بين ( 9 و 6) وطبعا بيقبل على اى نوع من الطعم ( دود الارض – العجينه – الغله ) وطبعا المكة بتكون بجانب الشط او بين الحشيش ونادرا ما بتكون فى عمق النيل

- القرموط

طبعا دى اكتر سمكه بتاكل اى حاجة موجودة فى الميه ودى حكمه من ربنا لانه بتعمل على تنظيف المياه من اغلب القازورات يعنى فار ميت فرخه ميته سمك ميت اى حاجة متعفنه وخلاص من الاخر دى عامله زى القشاش بتاكل اى حاجة فى سكتها وبتيجى بأى طعم واى حجم سن الا انها ممكن تاكل كمان العنب والاحجام الكبيرة منها ممكن نحطلها الطعم عبارة عن فرخه ميته وفى ناس بتعملها عجينه بس يتخلى العجينه تتعفن علشان يكون لها رائحه نفازة تجزب القرموط وممكن تضيف لها روائح من عند العطار اسمها ( الحنتيت ) ويفضل لو وضعنا فى العجينه دماء اى زبيحه
سن 1 للقرموط))

- الكركور
الكركور هو صغير الشال وسمى بهذا الاسم لانه بيطلع صوت اشبه بالكركرة وهو طالع من الميه وده بياكل دود ونادرا لما بيجى بالغله او بأى شئ تانى

- الشال
هو اكبر طبعا من الكركور بس نفس الشبه وبيكون له 3 شوكات اتنين فى الجنبين وواحدة فى الظهر وبيكونو جمدين جدا ومدببين الاطراف واحد اجناب الشوكه مسنن اشبه ما يكون بالمنشاروتكون حادة جدا ودة منه نوعين
الشال العادى وبيكون الظهر رمادى فاتح والبطن بيضاء جدا
والنوع الثانى بيسموه شال الحجر ودة لانه بيعيش بين الاحجار ولون ظهرة بيكون رمادى غامق جدا والنوع دة لازم تاخد بالك منه لانه لو كل الطعم ودخل الحجر يبقى عوضك على الله فى القرمه كلها لانه بيفرد الشوكتين اللى فى الجنبين ويصدرهم فى الحجر ومن المستحيل انه يطلع بعدها لانى بحس ان الشوكتين دول متركبين على مفصلات جامدة جدا لو طلعته فى ايدك وحولت انك تتنى الشوكة للجنب مستحيل انا جربت كدة فعلا ومعرفتش
ودة بيفضل دود الارض كباقى الاسماك ومكان وجودة قرب القاع وخاصه الاماكن اللى بيكون فيها حجارة

- البياض ( العبيد)ودى سمكه قريبه الشبه بالقرموط والطعم المفضل ليها طبعا دود الارض وقطع السمك والحم اللى بيكون داخل المحارات اللى موجودة على ضفه النيل

- الشلب ( الشلبايه كما يطلقون عليها)
دى سمكة شكلها رقيق جدا ونادرا لما بتطلع فى السنارة لان ليها طريقه مخصوصه بيها لانها بتتغزى على الحشرات فهى بتاكل قرب سطح الميه وممكن تاكل دود الارض وغالبا لما بتطلع معايا بصفه خاصه بتكون كلت الطعم اثناء مهو نازل يعنى ميكنش لحق ينزل وبتلاقى السنارة جريت منك مع التيار بسرعه بتعرف ان دى شلبايه وطعمها جميل جدا

- الانوم ( المز)
انا شخصيا بحب السمكه دى جدا نظرا لشكلها الغريب وكمان انها بتعزنى جدا لانها بتطلع معايا كتير جدا مواصفات السمكة انها جسمها ناعم والشوك اللى فيها قليل جدا لذلك نادرا لما بتيجى بالشبك ولازم لصيد السمكه دى يكون معاك سن صغير جدا يعنى 12 او 11 ويكون ربط الشعر فى السن قليل يعنى لفتين تلاته بالكتير علشان ميشغلش حيز من السن علما بأن بق السمكه صغير جدا وله شكل غريب اشبه بخرطوم الفيل( على فكرة صورتها موجودة فى الموسوعه اللى عاملها احد السمكاويه عن الاسماك اللى بتعيش فى النيل ) والطعم عبارة عن دود الارض فقط وبتكون موجودة قرب قاع النيل .

- الرعاد ( الرعاش )
من اسم السمكه نعرف ان لها علاقه بالرعد او الرعشه فعلا لانها بها شحنه كهربيه ترعش وتؤلم من يحاول ان يمسك بها وهى على قيد الحياه والحل لو طلعت معاك اما انك تمسكها بأى عازل او تتركها لحد متموت ودى بتكون موجودة بين الحجارة والطعم عبارة عن دود الارض او مصارين الفراغ .

حوت القرش

(حوت القرش)

تبين الصورة في الأسفل غواص قاب قوسين أو أدنى من أن يتم ابتلاعه بواسطة أحد أكبر أنواع الأسماك البحرية و هي الحوت القرش أثناء فتحه لفمه ليتغذى على العوالق البحرية بصحبة عدد كبير وصل الى 600 سمكة “حوت قرش” أخرى و لكن الغواص تمكن من النجاة و استمر في وجوده بالماء مستمتعا بجانب هذه الأسماك الاستثنائية. تم التقاط الصورة في المكسيك بواسطة المصور Mauricio Handler.

يقول المصور في تعليقه على الغواص أنه لو تم ابتلاعه فإن الحوت سيقذفه خارج فمه فهو يتغذى على العوالق البحرية الصغيرة جدا و يقول أنه يحب التصوير لأنه ينقل الناس الى أماكن لا يمكنهم الذهاب اليها بسهولة، و يضيف أن يريد أن يوصل للناس أن هذه الحيوانات التي يرونها اليوم قد لا توجد في يوم من الأيام فهم يعاملون المحيط على أنه سوبرماركت و لا يعطونه الفرصة لمداواة نفسه على حد تعبيره.

الحوت القرش هو أضخم أنواع الأسماك المعروفة يبلغ طوله 12.65 متر ووزنه 36 طن، يمتلك فما يمكن فتحه ليصل الى 1.5 متر عرضا و يحتوي على 350 صفا من الأسنان و بالرغم من حجمه المخيف الا أنها لا يشكل خطرا على الغواصين فحاسة بصرها ضعيفة و سباحتها بطيئة جدا كما أنه من النوع الذي ينقاد بسهوله و المحب للتعلم بل و يسمح للغواصين باللعب معه و الالتصاق بظهره.

يعيش الحوت القرش في مياه المحيطات الدافئة، من مواطنه: تايلاند و المالديف و سريلانكا و المكسيك و عمان و الفجيرة، صورة لحوت قرش تم أسره في حديقة أوساكا المائية في اليابان:

في هذا الوقت من السنة تتلاقى هذه الأسماك وتسبح وفمها الكبير مفتوحا ليدخل الماء المليء ببيوض السمك و العوالق البحرية الى فكيها و يخرج من غيرها، طريقة التغذية هذه تسمى “التغذية بالفلتر” و هي نفسها عند الحوت و من هنا جاءت تسميته بالحوت القرش بالاضافة الى حجمه الضخم المشابه لحجم بعض أنواع الحيتان.

تعمر هذه الأسماك لعمر 70 سنة و في عمر الثلاثين تكون قادرة على الانجاب، يذكر أن الأنثى تحمل حوالي 300 بيضة في بطنها كل بيضة تحمل جنينا يكبر في بطن أمه حتى موعد الولادة حيث يكون طول الجنين 40-60 سم فقط.

افضل اوقات الصيد

(افضل اوقات للصيد )

من المعلومات المهمة التي يجب أن يعرفها صياد الاسماك المحترف ظاهرتي الحمل والفساد البحر

والمقصود بالحمل هو وجود تيارات مائية قوية تحت الماء (ليس الموج فوق الماء) .

والمقصود بالفساد هو وجود تيارات ضعيفة تحت الماء (حركة الماء في قاع البحر ليست سريعة) .

وأهمية معرفة هذه النقطة نابعة من كون الاسماك عادة تهرب من التيارات القوية (الحمل) والذي يكون عادة في المناطق الغزيرة أو العميقة إلى المناطق الضحلة غير الغزيرة بقرب الشاطئ والعكس صحيح فعندما تكون التيارات المائية ضعيفة (الفساد) يفضل السمك الابتعاد عن الشاطئ والاتجاه إلى المناطق الغزيرة أو العميقة .
فالصياد الذي يرغب في الصيد من الشاطئ بالتأكيد سيكون الوقت المفضل له هو الحمل (التيارات القوية) لأن الاسماك متواجدة قريباً من الشاطئ هرباً من الحمل ، بينما الصياد الذي يصطاد بالقارب اثناء الحمل لن يجد سوى الاسماك القوية والكبيرة التي تستطيع التأقلم مع تيارات الحمل .
أما الصياد الذي يرغب في الصيد بالقارب في المناطق الغزيرة بالتأكيد سيكون الوقت المفضل له هو الفساد (التيارات الضعيفة) لأن الاسماك في هذه الفترة تعود الى المناطق الغزيرة بعد زوال التيارات القوية .
هنا يأتي السؤال المهم وهو متى تكون التيارات في قاع البحر قوية ومتى تكون ضعيفة ؟

إن التيارات المائية مرتبطة بالقمر مثلها مثل ظاهرتي المد والجزر ويمكن تلخيصها حسب الشهر الهجري (العربي- القمرى) بالشكل التالي :

1- من يوم 5 إلى 11 تيارات ضعيفة (فساد) . الصيد من القارب ممتاز

2- من يوم 12 إلى 18 تيارات قوية (حمل) . الصيد من الشاطئ ممتاز خصوصاً في حالة المد

3- من يوم 19 إلى 26 تيارات ضعيفة (فساد) . الصيد من القارب ممتاز

4- من يوم 27 إلى 4 تيارات قوية (حمل) . الصيد من الشاطئ ممتاز خصوصاً في حالة المد

وبالتجربة يرى الكثير من الصيادين أن أفضل الايام للصيد هي الايام التالية :

3 -- 4 -- 11 -- 12 -- 17 -- 18 -- 26 -- 27 .

الايام التى تم ذكرها هي الايام في الشهر العربي .

سمكه البطاطا

(سمكه البطاطا)

سمكة البطاطا وهي من اسماك البحر الاحمر والخليج وعبرت للبحر المتوسط من قناة السويس زمان على ما اتذكر ان الموسم بتاع البطاطا كان اول يوليو لغاية اخر اغسطس بس دلوقتي موجوده طول السنة موسم التفريخ بيكون في بداية ابريل وهي سمكة نهارية يعني مش موجوده بالليل .
الطعم المفضل
اولا : العجين سواء عجينة عيش او دقيق المهم انها تكون عجينة ناشفة .
ثانيا : الجمبري (البرغوت) .
ثالثا : الخضرة الشعر (النسيله ) .
طريقة الصيد
صيد البطاطا بيكون بالبوصة اليد مش الماكينة
فيه كذا طريقة لصيد البطاطا بالبوصة
اولا بالفلة او الغماز
الشعر الاساسي يكون نمرة 25 , والارمه بشعر 20 او 18 ومعروف عن البطاطا انها سمكة قوية وخصوصا الاحجام الكبيرة .
السلاح او السنارة نوعين
اما السنارة العادية وتكون نمرة 10 او 11 او 12
او الشلاليط وهي سلاح من 3 سنانير ملحومين في بعض زي الهلب , المهم الارمه تكون قصيرة يعني بالكتير 20 سم , الفلة صغيرة والرصاص او التقل خفيف
العيار (ارتفاع الفلة عن الرصاص ) يكون حوالي ثلثين ارتفاع المية عن الارض
مع الوقت وخبرتك في المكان حتعرف المية عمقها قد ايه
حط العجينة وارمي
اول ما الفلة تغمز نص غمزة الطشها وادعيلي
ثانيا الصيد من غير فلة (حساس)
وهو نوعين
طريقة اسمها الربع او المشنقة
وهي طريقة مش كل الناس بتقبل عليها لانها متعبة شوية
الشعر زي ما اتفقنا 25 , طول الشعر حوالي ثلثين عمق المية , يعني لو بترمي على قرار 3 متر يكون طول الشعر 2 متر , ويفضل استخدام بوصة قصيرة نوعا يعني 4 او 5 متر , السلاح مكون من 6 او 7 سنانير , كلهم نفس الطول اللي هو حوالي 5 سم تحت الرصاصة , ما عدا 2 منهم بيكون طولهم 10 سم , حجم السنانير يكون كبير مثلا نمرة 7 او 6 , الرصاص شريط وثقيل يعني لف ثلاث او اربع لفات كده , حط العجينة الناشفه على الرصاصة ونزلها المية حتلاقي السمك بتشدك ,الطريقة دي بنستخدمها للبوري برضة
الطريقة الثانية في الحساس هي السبحة
وسموها السبحة لان عدد السنانير بيكون كتير وفوق بعض زي شكل السبحة , ودي بيكون فيها طول الشعر زي طول البوصة , نحط رصاصة بلحة نمرة 1 في اخر الشعر من تحت , وفوق الرصاصة نربط من 4 ل 8 سنارة , الفروع طولها حوالي 10 سم , حط عجينة او جمبري ونزلها المية , حتلاقي السمك بتشدك برضه .
و احذروا من شوكه البطاطا مؤلمه جدا يعنى حاول تمسكها بقطعة قماش
دلوقتي نيجي لافضل اماكن تلاقي فيها البطاطا
حتلاقيها في البحر في اي مكان بس فيه اماكن مشهورة بالاسكندرية بالاحجام الكبيرة
السلسلة – كليوباترا – سيدي جابر – لسان جليم الثاني – سان ستيفانو – امام المحروسة – المنتزة – مارينا – جزيرة نيلسون

الجمبرى

( الجمبرى)

الجمبرى طبعا من الاكلات اللى ما فيش حد مش بيحبها و القيمه الغذائيه فيه عاليه جدا

كل 100 جرام بتحتوى على 19 جرام بروتين بالاضافه الى الفسفور اللى الجمبرى غنى جدا بيه  

وانواع الجمبرى كتيره جدا منها اللى بيعيش فى المياه العذبه و منها اللى فى البحار

سمك موسى

(سمك موسى)

سمك موسى (الاسم العلمي: Solea solea) نوع من السمك المفلطح له جمجمة ملتوية بحيث تقع العينان على جانب واحد من الجسم. ويعيش هذا السمك قريبًا من الشواطئ في البحار الدافئة، له أعين صغيرة متقاربة، وفم معقوف وجسم بيضي مفلطح. وزعانف الذيل مستديرة الشكل. ينمو سمك موسى الأوروبي إلى طول يترواح بين 25 و65سم ويزن عادة حوالي 0,5 كجم. يستطيع أن يكتسب ألوان القاع بعد أن يطيل النظر إليها وذلك لأن عين السمكة تنقل صور المرئيات إلى العصب البصري ثم إلى المخ ثم إلى العصب الودّي الذي يتصل بجميع الخلايا الملونة وبذلك تأخذ السمكة لون البيئة التي تعيش فيها. ويُعَدُّ سمك موسى الليموني غذاء مهمًا في شمال أوروبا.

والنوع الأمريكي الشائع من سمك موسى المُسَمَّى هوج شوكر يعيش في الساحل الشرقي من أمريكا الشمالية. أما سمك موسى الأسود فهو طعام شائع في المناطق الهندية الباسيفيكية. وهناك بعض أنواع السمك المفلطح التي تعيش على السواحل، تُسَمَّى أيضًا سمك موسى. هذا النوع من السمك معروف للجميع وسبب تسميته بهذا الاسم : قيل ان سمكة أو عدة اسماك تصادف ان وجدت في النقطة التي ضرب فيها موسى عليه السلام البحر بعصاه فانشق البحر وانشقت السمكة لنصفين ثم استكمل كل نصف ما يلزمه ليبقى حيا

سمكه ابو سيف

---

(سمك أبو سيف)

سمكة السيف أو أبو سيف أو سَيّاف البحر (الاسم العلمي: Xiphias gladius) سمكة كبيرة تعيش في المحيطات، لها جسم طويل وملفوف، وعينان كبيرتا الحجم. أخذت اسمها من فكها العلوي الطويل المفلطح الذي يأخذ شكل السيف، ويشبه هذا النوع من الأسماك ـ إلى حد كبير ـ أسماك المرلين والأسماك الشراعية، ولكنها تختلف عنهما في قصر الزعنفة الظهرية وانعدام الزعانف الحوضية أسفل السمكة. وتعيش هذه السمكة في مياه البحار الدافئة وهي تُعَدُّ ـ بحق ـ مكسبًا وغنيمة وطعامًا شهيًا لممارسي هواية الصيد.

ويصل طول هذه الأسماك إلى ما يقرب من المترين وتزن ما يقرب من 115كجم، وأكبر سمكة من هذا النوع تم اصطيادها أخيرًا وكانت تزن 536كجم، ووصل طولها إلى 4,55م في شيلي في عام 1953.

وفي بداية عام 1970م نصحت بعض الدول بعدم أكل سمكة السيف لوجود كمية خطرة من مادة الزئبق في بعض عيناتها. ومادة الزئبق يمكن أن تتجمع بكل من النبات والحيوان والإنسان حتى تصل إلى مستوى الخطورة. وأثبتت الأبحاث مؤخرًا أن وجود مادة الزئبق في الأسماك ينشأ طبيعيًا وليس نتيجة للتلوث. وبناء على ذلك أصبحت سمكة السيف طعامًا مأمونًا للإنسان.
سيف هذه السمكة الذي سميت به قوي يبلغ طوله ما يساوي نصف طول جسم هذه السمكة، ويُستخدم سلاحًا للدفاع أو لطعن الفريسة. وبالإضافة لذلك يُعد شكله الانسيابي أداة تساعد السمكة في شق المياه أثناء السباحة مما يزيد من سرعة انسيابها. تقبع هذه السمكة في الأعماق خلال النهار بينما تصعد إلى سطح المياه أثناء الليل. وهي تتغذى بالحبَّار وأنواع الأسماك الأخرى التي تتحرك على هيئة أسراب، مثل أسماك المنهيدن والرنجة والماكريل