البكرات المُلْقِيَة للطُعم

البكرات المُلْقِيَة للطُعم

لها
مسلكة عريضة توضع أفقيًا عبر مقعد خاص بها، وللبكرة مقبض يدور لإطلاق
الخيط واستعادته، وتدور المسلكة عدة دورات في كل مرة يدور فيها المقبض مرة
واحدة.
بكرات الذبابة الاصطناعية. وظيفتها الأساسية تخزين الخيط ومد الخيط للسمكة
المعلَّقة بالخطاف. وبكرات الذبابة الاصطناعية ليست مصممة لإلقاء الخيط.
فعند إلقاء الذبابة، يتم جذب الخيط من البكرة باليد ويلقى إلى الماء بوساطة
قصبة الصنارة.

البكرات المتعددة

البكرات المتعددة

تُستخدم ـ بشكل أساسي في
صيد الأسماك على شواطئ البحار أو في البحار المفتوحة. وهي مجهزة داخليًا
بطريقة تجعل المسلكة تدور من مرتين إلى أربع مرات عند إدارة مقبض البكرة
مرة واحدة. وهذا يجعل البكرة ذات معدل عال في استعادة الخيط. وتزود البكرات
المتعددة بما يُسمى بنظام سحب النجمة أو الرافعة، والذي يمارس ضغطًا أكبر
أو أقل على السمكة التي تعلّقت بالخطاف.

البكرات الدوَّارة

البكرات
الدوَّارة

لها مسلكة مفتوحة الوجه مثبتة على مقعد خاص
بها في وضع رأسي مواز للقصبة، ولا تدور المسلكة عندما يتم إلقاء الخيط أو
استعادته. فعندما يتم إلقاء الخيط فإنه ينزلق فقط من النهاية المفتوحة
للمسلكة، وللبكرات الدوارة مقبض لجمع الخيط فيه. وهناك أداة تسمى القابض
تلف الخيط حول المسلكة. وتتحرك المسلكة داخل إطارها وخارجه بحيث يتم لف
الخيط بشكل مساوٍ. ولا تدور المسلكة نفسها إلا عندما تجذب سمكة الخيط في
اتجاه معاكس لاتجاه السحب.

1-القصبات

1-القصبات

تصنع
القصبات بأطوال وأوزان وأشكال متعددة. وتُصمم كل قصبة بحيث تستخدم مع نوع
معين من الصنارات ذات البكرات. فالقصبة التي تستخدم طُعم الذبابة
الاصطناعية، مثلاً، تُستخدم مع بكرة الذبابة الاصطناعية. وتختلف القصبات
أيضًا في مرونتها، التي تتراوح بين اللدنة والصلبة. ويستلزم صيد الأسماك
الكبيرة قصبات ذات مرونة كبيرة.
البكرات. تستخدم لحفظ خيط صيد الأسماك وإطلاقه واستعادته. وهناك أربعة
أنواع رئيسية من البكرات: 1- الدوَّارة 2- المتعددة 3- المُلْقية للطُعم 4-
الذبابة الاصطناعية، ويصنع كل نوع من أنواع البكرات بأحجام وأشكال متنوعة
وتعد كل من البكرات الدوارة أسهل أنواع البكرات استخدامًا وأكثرها
انتشاراً.

معدات صيد الأسماك....

معدات صيد الأسماك



ينتج
أصحاب صناعة معدات صيد الأسماك أنواعاً مختلفة من الأدوات مصممة لكل نوع من
أنواع صيد الأسماك. وتضم أدوات صيد الأسماك الصنارات ذات القصبات
والصنارات ذات البكرات والصنارات ذات الخيوط وأشراك الأسماك والأثقال
الرصاصية والعوامات والخطاطيف والطُعم، ويتوقف اختيار المعدات بشكل أساسي
على أنواع الأسماك المراد صيدها.
القصبات. هي قوائم مدببة الطرف مصنوعة من الزجاج الليفي أو الجرافيت.
والقوائم الجرافيتية هي الأكثر شيوعًا ؛ لأنها خفيفة الوزن وقوية ومرنة.

تعريف صيد الاسماك....

تعريف صيد الاسماك

صيد 




الأسماك أحد أكثر أشكال الترويح انتشارًا. يستمتع الناس من مختلف الأعمار
بصيد أصناف كثيرة من الأسماك من جداول الماء والأنهار والبحيرات والخلجان
والبحار.
ويقوم بعض الناس بصيد الأسماك باستخدام عصي بسيطة من الخيزران، ويستخدم
غيرهم الصنارات ذات القصبات، والصنارات ذات البكرات، ومعدات إضافية تتطلب
مهارات أكبر لاستخدامها. ويُطلق على الأشخاص الذين يزاولون رياضة صيد
الأسماك الصيادين بالصنارة. وهم يستمتعون بالتحدي الذي يمثله صيد الأسماك
بالصنارة والإمساك بها. ويحاول كثير من الصيادين بالصنارة صيد أنواع معينة
من الأسماك. إذ أن بعض الأسماك تُقدر بصفة خاصة لجمالها. وهناك أسماك أخرى
تتميز بقوة أو سرعة غير عاديتين وتحاول جاهدة الهرب. وتعد بعض الأنواع
صيدًا مخادعًا لابد من التغلب عليها بحيلة ودهاء للإمساك بها.
تضم بعض طرق صيد الأسماك الشائعة، الصيد بإلقاء الطعم والصيد الساكن والصيد
بالجرف والصيد بالجذب والصيد العائم. ويُعد الصيد بإلقاء الطُعم واحدًا من
أكثر الطرق انتشاراً. يقوم الصائد بالصنارة بإلقاء الشَرك (وهو طعم
اصطناعي) في الماء. ثم يستعيد الخيط بحذر في محاولة منه لإغراء السمكة كي
تأكل الطعم. أما في حالة الصيد الساكن فإن الصائد بالصنارة يلقي بالطعم في
الماء من على الشاطئ أو من مركب راسٍ وينتظر لكي تأتي سمكة تأكل الطعم. أما
في حالة الصيد بالجرف فإن الصائد بالصنارة يترك الطعم يُجر خلف مركب
للإنجراف بحُرية مع التيار. يجر الصائد بالصنارة في حالة الصيد بالجذب
الطُعم من خلف مركب يتحرك. وفي حالة الصيد العائم يعلق الصائد بالصنارة
الطعم أسفل عوَّامة صنارة الصيد.

طريقة صناعة السالية .........

طريقة صناعة السالية .........

السلام عليكم ورحمة الله وبركاته

فيه ناس كتير معجبة بطريقة الصيد بالسالية سواء علشان تجيب بيها طعم حى او حتى بتنفع لصيد الجمبرى والسمك الكبير كمان وللاسف مابتتباعش فى مصر خالص والى موجود فى مصر حاجة اسمها الطراحة وهى نوع من الشبك او الغزل شبيه بالسالية الى حد كبير ولكن طريقته تختلف تماما عن السالية وغالبا بيوعر فى الصخور وفى الحوش الجميل الى مالى الدنيا عندنا.

والسالية مشهورة جدا فى الخليج العربى وخاصة الكويت والامارات وعمان فلو حد يعرف حد بيسافر هناك ممكن يجيبهالو وهو جاى ويريح نفسه ومايكملش قراية الموضوع ده.

انما الى مايعرفش حد يجيبله سالية او لو حد عاوز يجرب وبيحب يعمل حاجته بأيده النهاردة هاقدمله طريقة تصنيع السالية من الالف الى الياء ان شاء الله (اهداء خاص للشيخ احمد toshi ) لانه هو الى كبرها فى دماغى

بسم الله نبدأ

1- الادوات

1-1 الخيوط طبعا فيه 3 انواع من الخيوط خيوط السبكة نفسها وخيوط اللم (الجمع) والحبل الخاص برفع السالية 
خيوط الشبكة ممكن تكون رفيعة 25 او 40 او 50 ولا يفضل انها تكون اتخن من كدة 
خيوط اللم الغالبية اجمعوا على انها تكون نايلون 80 على الاقل وممكن 100
حبل الرفع وده ما شاء الله لازم يكون حبل تخين ودى صورة ليه 


1-2 المدور
طبعا عارفينه بس ده مدور مبطرخ شوية صورته اهي :


1-3 القطعة بلاستيك الى بتجمع خيوط اللم

او 

او ممكن تتعمل حلقة زى دى

ولقيت دى عبارة عن القلب الى بيبقى ملفوف عليه بكر الاسلاك بتاعت النتورك ودى موجوده فى مصر كتير


1-4 الرصاص 
يفضل انه يكون رصاص بلح زى الصورة دى 


عدد الرصاص وحجمه انت طبعا الى بتتحكم فيه

بس تقريبا مافيش قطع تانى هانحتاجها

2- طريقة الصنع
طبعا فيه طريقتين 
الطريقة الاولانية انك تجيب الشبكة مغزولة جاهزة وتشبكها فى الحلقة البلاستيك وتجهز لها خيوط اللم وحبل الرفع وتضيف عليها التقل
والطريقة التانية انك تغزل الشبكة بنفسك (وعلى فكرة الموضوع مش معقد قوى زى الناس ما فاكرة وهاحطلك الطريقة بالصور وكمان فيديو بس الفيديو مش لشبكة مدورة انما نفس الخطوات تنفع وكمان فيه ميزة انك تعمل الشبكة بنفسك علشان تتحكم فى حجم الفتحات فممكن تعملها واسعة علشان ماتاخدش معاك السمك الصغير او تعملها ضيقة علشان لو هاتستعملها لصيد الطعم الحى.

نبدأ بالطريقة الاولانية بامر الله:

تجيب الشبكة مغزولة (ودى موجودة فى اغلب محلات ادوات الصيد)






وتشبكها فى الحلقة البلاستيك عن طريق الربط من نص الشبكة 

ومن اخر الشبكة ( الدائرة الكبيرة) تبدأ فى تدكيك الحبل الى هايركب فيه الرصاص او التقل الى هايشد السالية لتحت وانا كان ليا اقتراح ممكن يفيد لو حد مش عاوز يركب رصاص ممكن من عند بتاع الحدايد والبويات تجيب سلسلة زى دى 



وتفكها من بعضها يعنى تخليها حلقات وتدهنها علشان متاصديش هاتقوللى ادهنها ايه هاقوللك ماعرفش اسأل حداد بس بيتهيألى الاسبراى هايخليها ماتصديش وتخليها متدككة فى الحبل ده هايوفر تكاليف شوية وممكن يخليها تعيش اكتر لان الحديد مش بيتاكل من الصدمات زى الرصاص والله اعلم 

بعد المرحلة دى نبدأ نقص الخيط ال 80 اطول من طول السالية وهى ملمومة بحوالى 20 - 30 سم

ونربطه فى الطرف الى فيه الرصاص نستعمل حوالى 8 خيوط (وممكن اكتر حسب مانت شايف بس المهم ان الحلقة يبقى فيها مكان يساعهم ويكونوا بيعدوا بسلاسة منها من غير مايتحشرو) متوزعين على شكل نجمة (يعنى الخيوط بتتجمع عند الحلقة البلاستيك وتتوزع على طول محيط الدائرة الى فيها التقل ) وحاول تخلى المسافات متساوية على محيط الدائرة الكبيرة علشان السالية تتلم بشكل سليم ولاوز تبقى الخيوط كلها نفس الطول 

بعد ما نخلص المرحلة دى المفروض نعدى الخيوط من الحلقة البلاستيك كدة 


ونشبكهم فى المدور كدة



بس فيه ناس بتفضل انها تضع القطعة دى 



صورة تانية علشان الى مش لاقط 



صورة تانية علشان الى ماجمعش 



كدة كله جمع ولقط طيب دى الهدف منها انها تخلى الخيوط بتاعت اللم ماتشبكش ايه ده الاخ الى هناك الى رافع ايده ومش عارف يعديه ازاى تعديه كدهه



خلاص كله فهم 100 100 شاطرين 

وبعد كدة نربط الحبل الخاص برفع السالية فى المدور وبكدة تبقى السالية جاهزة للتجربة

.
.
. 

خلاص 

.
.
لا لسة 
.
. 
الناس الى عاوزة تغزل بنفسها فاكركو طبعا انا اقدر انساكو 

الموضوع بسيط جدا هاحطلكو الصور بالترتيب وهى شارحة نفسها مع ملاحظة ان نوع الخيط مش نايلون انما الطريقة هى هى 


طبعا طريقة رمى السالية مافيش اصعب قصدى اسهل منها هى بس محتاجة تمرين فيه مواضيع كتير فى المنتدى اتكلمت عن طرق الرمى اعمل بحث يا اخى انت عاوز كل حاجة تيجى لحد عندك ... طيب خلاص خلاص انتوا هاتضربونى ولا ايه هاقوللك تعمل ايه ادخل على الانبوبة http://www.youtube.com
واعمل بحث على throw casting net هاتلاقى 7000 طريقة 

اهم حاجة كنا هاننسى نقولها طريقة صيانة وحفظ السالية 
اهم حاجة لما ترميها فى مية مالحة انك تغسلها فى مية عذبة من الحنفية وبعد كدة تشيلها فى علبة او فى جردل شيك كدة وان شاء الله تعيش معاك لوقت طويل ... مين الاخ الى مش عارف شكل الجردل ده .... اهوه ياسيدى علشان ماتقولش انى حارمك من حاجة