الأحد، 1 يونيو، 2014

برياني سمك الصافي




برياني سمك الصافي

السلام عليكم ورحمة الله وبركاته

طبخة حلوه ان شاء الله تعجبكم،، نبدأ اولاً بالصافي وهذا هووووووو



حطوا عليه البهارات كل واحد على كيفه بالنسبة لي انا حاط كركم وبزار وفلفل احمر مطحون



ولازم تقلونه شوي علشان مايتقطع عقب



هذا بعد ماقلينا الصافي



ونجيب جدر ونحط عليه دهن شوي وبصل ونحمسه شوي ونحط عليه دارسين وورق قار وفلفل علووب ونحمس




ونحط الطماط ونحمس



ونحط البهارات على الحمسة كل واحد وكيفه .. وانا حاط بزار وفلفل أسود وكركم ،،،، اللومي الاسود والهيل والمسمار (اختياري)



بعد مانحركه شوي نحط عليه قوطي رووب 



ونحط عليه شوي ماي ونحركه

 

ونجيب الصافي ونصفه فوق



وعلى صوب مبرزين لنا عيش أبيض ناضي الا شوي بسيط



ونحط العيش فوق خلطتنا مع شوية حركات



ونغطيه بقصدير لمدة ربع او عشرين دقيقه عقبها نكشف القصدير وجيبوا أقرب صحن عندكم ونقلب الجدر على الصحن بحركة سريعة . ويطلع لنا برياني الصافي.



وجعل فيه العافية ان شاءالله

المشاركات الشائعة

أرشيف المدونة الإلكترونية