بعض انواع الاسماك والسن المفضل لها :

بعض انواع الاسماك والسن المفضل لها : 
::::::::::::::::::::::::::::::::::::::::::::::-
الشراغيش :
باستخدم صناره 8 أو 7 أو 6 حسب الموسم.. يعني لوكان وكال باستخدم 8 لوكان خفيف باستخدم 6 .

البطاطة او الصافى :
السلاح او السنارة نوعين
اما السنارة العادية وتكون نمرة 20 او 22 او 24
ونمرة 24 تسمى رجل الدبانة وتخيلوا حجمها
او الشلاليط وهي سلاح من 3 سنانير ملحومين في بعض زي الهلب طريقة اسمها الربع او المشنقة
وهي طريقة مش كل الناس بتقبل عليها لانها متعبة شوية
الشعر زي ما اتفقنا 25طول الشعر حوالي ثلثين عمق المية
يعني لو بترمي على قرار 3 متر يكون طول الشعر 2 متر
ويفضل استخدام بوصة قصيرة نوعا يعني 4 او 5 متر
السلاح مكون من 6 او 7 سنانير
كلهم نفس الطول اللي هو حوالي 5 سم تحت الرصاصة
ما عدا 2 منهم بيكون طولهم 10 سم
حجم السنانير يكون كبير مثلا نمرة 16 او 14
الرصاص شريط وثقيل يعني لف ثلاث او اربع لفات كده

سمك الدنيس :السلاح لا يقل عن نمرة 6

القاروس :سلاح نمرة 01
وحاول تستخدم سلاح كبير يعني نمرة 01 او 02 او 03
وتعمل سلاحين واحد فوق الرصاصة والتاني تحتها ويكون طولة كبير يعني متر الا ربع تقريبا
ولازم تخلي بالك واوعى تسيب البوصة وتستنى السمكة لما تضرب
لازم تفضل ماسكها لان القاروس من السمك اللي بيجر يعني يحط الطعم في بقة ويجري
السن(01) كرش مع رصاصة خفيفة (4) بساق طويلة حولى متر يدخل عليك القاروص الكبير

المياس :قبل ما نبتدي نصطاد مياس لازم نعرف ان المياس من الاسماك اللي بتاكل اسماك واللي شاف المياس قبل كده يعرف ان ليه اسنان حادة جدا يعني الشعر العادي ماينفعش معاه لانة ببساطة سنانة عاملة زي الموس فتخيلوا لو انت عديت بالموس على الشعر ايه اللي حيحصل ؟؟
علشان كده بنستخدم سلك صلب (( وير ))
والسلك ده انا عن نفسي اتعلمت ازاي اعمله بس لو تشترية بيكون اسهل بكتير ومش غالي
وهو بيبقى عبارة عن سلك مجدول طولة حوالي 20 سم وملحوم فيه سنارة كبيرة بتكون 05 او 04 على حسب ما انت تختار

سمكة البوري :السلاح 25 ل 20
صيد البوري بالربع (المشنقة)
السلاح كبير شوية يعني 6 او 5
وبيكون عدد من 5 ل 7 سنانير بنعمل 3 طولهم حوالي 10 سم والباقي طولهم حوالي 5 سم
بنصطاد البوري بالماكينة وله طريقة واحدة
ودي بتكون كالاتي
السلاح بيكون حوالي من 15 ل 25 سنارة نمرة 20 او ممكن 18
بنربط السنانير كلها طول واحد اللي هو حوالي 15 سم
وكلهم يتوصلو في الشعر الاساسي من نفس المكان اللي هو فوق الرصاصة بحوالي 30 سم

سمكه النفاره :احجام السنون فممكن تشتغل حجم 1 او 01 او 02

الموزة :السلاح 24 او 22 وبالكتير 20
واذا كنت بتصطاد في عرض البحر بيكون الصيد بالماكينة او اللنسة ومن غير فلة وبتعمل 7 او 8 سنانير فوق بعض (سبحة) وتسقط للموزة

القراميط :فالقراميط غاية في الشدة ولا تتهاون فاستخدم خيط 45 او 50 وسن 1 ملوي او 2 ملوي

الراي :سنار حجم 12 أو 13

الزنجاريا :نعمل سلاحين نمرة 7 اطوالهم نص متر ومتر الا ربع

موسى :السن 7 - 8

مرمار :والطعم المفضل البرغوت والدود القراص والسن المستخدم 9 أو 7 بكرش حسب الحجم

لصيد البياض :نستخدم سنار حجم 5 او 6

الشعور:نستخدم سن 9 و 10

اللوت :تعمل سبحة مش اقل من 7 سنانير 9 كفته وياريت ياباني شديدة اللمعة

الخنزيرة :بتحتاج صنارة صغيرة 8 أو 9 والخيط 30 أو 35 والطعم جمبرى بحرى

الرعاد :مقاس السن 6 او 7
علاقة الطعم و السن المستخدم :
فمثلا الريم يستخدم له سن 12 و 10 و 9
و الديدان يستخدم لها 8 و 7 و 6 و 5 و 4 و 3
العجين زى الديدان
الغلة يستخدم لها سنون كبيرة نسبيا من 5 و انت طالع