السمك السنجارى

النوع:

• طبق رئيسي

عدد الأفراد: 

4أفراد

المدة: 

70دقيقة

يمكن تناول هذا الصنف مع:

أرز الصيادية

طحينة رمضان من دينا كانتينا

بطاطس بالليمون والأعشاب

مصدر الوصفة: 

http://www.za3faranwvanilla.com/viewrecipe.aspx?pid=30

المقادير: 

• 1 سمكة قاروص أو حسب الرغبة(1 كيلو تقريبا)
• 1 بصل شرائح
• 1 فلفل أخضر شرائح
• 2 فص ثوم مفروم
• 1 طماطم مقطعة مكعبات
• 1/2 كوب من الكزبرة الطازجة المفرومة
• 1/4 كوب بقدونس مفروم
• 500 جرام روبيان صغير (جمبرى)
• 1/4 كوب عصير ليمون
• 1/4 كوب زيت
• ملح و فلفل

الطريقة: 

1. نفتح شق فى ظهر السمكة. نبداء من الرأس نزولا الى الذيل. نغسل السمكة جيدا من الداخل و الخارج. . يمكنك طلب من بائع السمك ان يؤدى هذة الخطوة لك. 
2. في وعاء كبير، نضع المكونات مع نصف كوب ماء .
3. نضع السمكة فى صينية فرن ، و نتبلها بالملح والفلفل. 
4. نضيف المكونات على السمكة حتى تغطيها ثم نغطى الصينية بالفويل.
5. نخبزالسمكة لمدة 30 دقيقة على حرارة عالية، ثم نخفض الحرارة إلى 180 لمدة 40 دقيقة.
6. يقدم الطبق مع رز السمك. 

كيف تعرفين أن السمك طازج وكيف تنظفيه وتحفظيه مجمدًا؟

كيف تعرفين أن السمك طازج وكيف تنظفيه وتحفظيه مجمدًا؟

من منا لا يعشق السمك بأنواعه؟ لكي تحصلي على وجبة سمك لذيذة وشهية عليكِ اختيار نوع السمك طازج وتتبيله جيدًا لوصفة بحرية رائعة.

 

إزاي تختاري سمك طازة بدون ان يغشك البائع؟

عند الشراء

• الرائحة إذ أن زفارة السمك وهو طازج مختلفة تمامًا عن إن كان غير طازج إذ تكون الرائحة أشبه بالعفونة إذا كان غير طازج.
• العينان لامعتان وشفافة
• لحمه متماسك، لامع وصلب عند لمسه
• ترين احمرارًا ورديًا في الخياشيم
• قشور السمك صلبة ومتماسكة على جسم السمكة

(اقرأي أيضًأ: وصفة السمك البوري المشوي)

التنظيف

• إن طلبت من البائع تنظيفه فسيتبقى لك تنظيفة أخرى أسرع، أما إن قمت أنت بشرائه فعليك تنظيفه من الألف إلى الياء وفي كل الأحوال لا يجب وضعه في الفريزر دون تنظيفه فورًا.
• اقطعي الذيل والزعانف
• أزيلي القشر الصغير الشفاف من على جلده بحك شفرة السكين فيها واجعلي اتجاهك من الذيل للرأس
• افتحي البطن من الجانب بالطول ثم اخرجي الأحشاء
• بعد الانتهاء اغسلي السمك بالماء أولًا ويديك جيدًا ثم ضعي السمكات في خليط من الملح والدقيق والخل وقشر الليمون.
• ادعكي السمكات بهذا الخليط جيدًا جدًا
• اشطفي السمكات بالماء مرة أخرى ثم ابدئي طريقة التتبيل سواء كنت ستطهينه طازجًا أم ستضعينه في الفريزر

(اقرأي أيضًا: صينية السمك بالبطاطس المخبوزة في الفرن)

التتبيلة

التتبيلة الأولى تصلح لأي طريقة طهي ويفضل أن تقومي بها بعد تنظيفه مباشرة ويمكنك طهوه بعد ساعتين كي يتشرب لحمه التتبيلة أو حفظه في الفريزر بعد تتبيله.

1. اخلطي ثوم مفروم مع ملح وفلفل وكمون وعصير ليمون وملعقة خل وشطة (حسب الرغبة)
2. شرحي السمكات الكبيرة بالسكين دون قطعها خاصة الأحجام الكبيرة مثل البوري والبلطي
3. ضعي خليط التتبيلة في بطن السمكة وبين لحمها مكان قطع السكين وحولها من الخارج
4. اتركيها ساعتين قبل الطهي أو ضعيها في كيس بلاستيك نظيف وافرغي الهواء واحتفظي بها في الفريزر

تفريخ أسماك القاروص

زريعة الأسماك البحرية، وخاصة Dicentrarchus labrax ، تعانى ارتفاعاً بمعدل الوفيات خلال فترة التربية في المراحل الأولى بالمفرخات.
و يعزى ذلك إلى عدة عوامل، أحدها هو توافر وكفاية التغذية من الأغذية الحية لليرقات في مختلف مراحل نموهم.

الطحالب تشكل قاعدة السلسلة الغذائية في البيئة البحرية. ولذلك هذه الكائنات لا غنى عنها في تربية الأنواع المختلفة كمصدر للغذاء لجميع مراحل النمو لأكثر الحيوانات البحرية. وتستخدم أيضا لزيادة الهائمات الحيوانية (الروتيفيرا، مجدافيات، والأرتيميا) التي تعمل، بدورها غذاءا لليرقات والزريعة للأسماك البحرية في المفرخات .

الطحالب تضاف مباشرة خلال تربية يرقات الأسماك البحرية،
كفاية التغذية من العوالق الحيوانية المستخدمة في تغذية اليرقات حديثا يعتمد علىالقيمة الغذائية للطحالب المجهرية المستخدمة.

Brine shrimp, Artemia salina, and the rotifer, Brachionus plicatilis,، هي أكثر الكائنات مناسبة لتغذية يرقات الأسماك الفاقسةحديثا. زيادة القيمة الغذائية لهذين الكائنين يكون لهما الاثر فى زيادة النمو والبقاء على قيد الحياة لليرقات التي تتغذى عليهما .

البوري:............

البوري:




البورى من انوع السمك التى تعيش فى مجموعات كبيرة و يطلق بعض الصيادين على البورى حسب حجمة اسماء منها البوري
الصغير: جران المتوسط: بوري الكبير: كمبوت
غير طبعا اسماء كتير زى جعبوب – طوباره – اصفر ودن
و ينتسب له 10 اجناس و حوالى 100 نوع سمك
يتواجد البورى عادة في المياة متوسطة العمق يعني من 3 ل 6 متر تقريبا و بيعيش فى المياه المالحه و العذبه
موسم صيد البوري : يتواجد البورى طوال العام و لكنة بيقل جدا في الصيف والشتاء يعني لما المية تسخن قوي ولما تبرد قوي

طرق صيد البوري

البوري عادة بنصطاده بالبوصة العادية وده بيكون بطريقتين
1- الصيد بالفلة
البورى من الاسماك الحساسة جدا علشان كده لازم نختار وقت الصيد وعدة الصيد المناسبة صيد البوري يكون بهدوء شديد ولو بتصطاد بالنهار لازم تختار مكان لا ينعكس الظل المترتب عن خيالك على المية يعني لا تجعل الشمس في ضهرك علشان ظلك مايجيش على المية
الشعر الاساسي مش اكتر من 25
شعرالارمه من 12 ل 20
السلاح 10-11-12
صيد البوري بالفلة يكون طعمك عجينة ومش اي عجينة لازم تكون طرية .
بالنسبة لشعرالارمه بيكون قصير يعني فرع 25 سم والتاني 20 سم
العمق اللي بتصطاد علية يكون نص عمق المية
اطعم العجينة وارمي.. خطاء يرتكبة جميع الصيدين احنا قلنا ان البوري حساس جدا لاي حركة غريبه لو انت رميت زي ما بترمي يبقى مش حتلاقي ولاسمكة بورى في المية يبقى احنا لازم ننزل الفلة بالراحة في المية و توكل على الله .
البوري مش بياكل زي باقي السمك البوري فيه ناس بيقولو انه بيلحس الطعم وده طبعا مش صحيح لانه بياكل ولكن لان بقه فتحته لفوق وبقه صغير جدا فبيسحب من الطعم حتت صغيرة جدا وعلشان كده لما بياكل بنلاقي ان الفلة مش بتغمز
بنلاقي ان الفلة بتتحرك حركة بسيطة احنا بنقول انه بيخنق الفلة لما السمكة تاكل معاك اوعى ترد فيها جامد وده لسببين اولا لاننا قلنا ان اي حركة غريبة حتخلي السمكة تفزع وثانيا لان بق البوري ضعيف لو اديتة واحدة جامده شوية حتلاقي بقة بس هو اللي طالع وطبعا لو السمكه كبيره حيتقطع الشعر علشان بنستخدم شعر رفيع .
2- صيد البوري بالربع (المشنقة)
شعر اساسي 25
شعر الارمه 15 ل 20
الصيد بدون فلة
الشعر الاساسي طولة نص عمق المية
السلاح كبير شوية يعني 6 او 5
وبيكون عدد من 5 ل 7 سنانير بنعمل 3 طولهم حوالي 10 سم والباقي طولهم حوالي 5 سم , ونحط رصاص شريط حوالين مكان توصيل السنانير ,الصيد بيكون بعجينة ناشفة , بتحط العجينة على الرصاص وبتنزلها المية بالراحة لغاية ما اللبلوب بتاع البوصة يوصل اول المية في الطريقة دي البوري هو الي بيوقع نفسة وعلشان كده سموها المشنقة. وممكن نستخدم طعم تاني مع الطريقة دي وهو السردين تشيل راس السردينة وتفتحها من بطنها وتعلقها على السناير يعني تخلي السنانير كلها جوة بطن السردينة وتغرزها فيها من جوة .
صيد البوري بالبوصة والماكينة (السندويتش)
الشعر الاساسي 40
شعر الارمه 30 او 35 وده لازم لان السمك اللي بيضرب عليك سمك تقيل
السلاح بيكون حوالي 6 او 7
بنربط 10 او 15 سناره كلها متواليه فى شعر حوالى متر و نصف وبتكون الرصاصه متوسطه الوزن و حره يعنى مش بنثبتها ونجيب قطعة فل حوالى 15 سم فى 10 سم و عيش بلدى بس نقلب الرغيف بحيث يكون الجزء الداخلى هو اللى بره ونلف العيش على الفله ونلف الشعر بالسنار على العيش بحيث يكون السنار موزع على جميع اجزاء العيش ونجيب استيك عادي من بتاع الفلوس علشان يثبتهم كلهم مع بعض .
لما بترمى بالماكينه علشان الرصاصه حره بتنزل و تثبت على الارض و يطفو العيش على سطح و ما يتحركش مع تيار المياه و لما السمك بيحاول ياكل العيش بيشبك نفسه فى السنار .

طريقة تحضيرالعجينة لصيد البوري :-

اولا العجينة الطرية

كوب دقيق – مية حسب الاحتياج - سكر
يخلط الدقيق مع الماء و كميه صغيره من السكر و يقلب جدا حتى يصبح القوام متمكاسك و يرفع على النار ونقلبة لغاية بقى متماسك بيبقى قوامها عامل زي قوام الشحم اللي بنشحم بيه .
سيبها تبرد وحطها في علبة بس لازم لاحظ ان تطعيم العجينة الطرية عايز خبرة لانك لازم تطعمها بفمك بمعنى انك بتاخد حتة عجينة صغيرة على السنارة في فمك وتلف العجينة على السنارة بلسانك فالغلطة حتلاقي انك اصطدت نفسك .

ثانيا العجينة الناشفة

ودي بتكون للصيد بالربع وهي عبارة عن عيش بلدي عادي جدا وبنبلة ونعجنة بادينا ونسيبة جنبنا في الشمس او الهوا ولو احتاج مية تاني نديلة وده تطعيمة ساهل جدا لانك بتاخد حتة وتحط الرصاصة في نصها وتلف العجينة عليها بايدك و تضغط عليها زي ما تكون بتعمل كفتة .
لصيد البوري يجب ان تنفذ بعض الاجراءات وهى تحضير المرمى , وهو انك لازم تجمع السمكة الاول وده بيكون بالتزفير ,والتزفير بيكون بعيش مبلول في جردل مية لغاية ما يفرول وتعملة كور صغيرة وترمية في المية ,والتزفير للبوري شئ اساسي لان البوري بيتجمع على ريحة العيش في المية وكمان لازم تلاحظ ان مع كل سمكة تطلعها لازم ترميلك كورة او اتنين تزفر بيهم علشان تثبت السمكة تحت منك التزفير بيكون قبل ما تبتدي تصطاد بفترة ممكن توصل ساعتين ويكون متواصل علشان تقدر تجمع اكبر كمية من البوري .

سمك القاروس:

القاروس:

يسمى أحياناً بالقاروس الأوربي لتمييزه عن أنواع أخرى مشابهة من نفس الجنس أو من جنس مختلف. تسمية "Dicentrarchus" تعني ثنائي الشوكة، وذلك لوجود شوكتين قاسيتين في الزعنفة الظهرية لأنواع هذا الجنس.وفى منه حوالى 10 انواع منها اللى بيعيش فى المياه العذبه
القاروس الأوربي يعيش في البحر المتوسط والبحر الأسود والشواطئ الأوربية من المحيط الأطلسي. لونه يميل للفضي على الجانبين بينما بطنه لونها أبيض.. تنمو هذه السمكة لتصل إلى اقصى حجم مسجل 103 سم و 12 كيلو جرام .
فى السواحل المصريه بيحب يتواجد عند مصبات الانهار مثلا نلاقيه فى دمياط و رشيد و المعديه و الطرح لانه بيحب المياه الدافئه و الاقل ملوحه و المناطق الرمليه الضحله لانه من الاسماك التى تتغذى على الاسماك الصغيره و القشريات و الديدان علشان كده دايما فى الساحل الشمالى نلاقيه موجود قريب من الشط وبيظهر فى الليل لانه بيحب الضوء الخافت مثلا فى مارينا تلاقيه بكميات كبير ه عند الكبارى المضيئه فى البحيرات و ممكن يقرب من الشط حتى عمق 30 سم

اوقات الصيد :

فى الصباح و بعد الغروب و منتصف الليل

متواجد طوال السنه بس بيكون اكتر من نهاية شهر سبتمبر حتى اكتوبر و من شهر يناير حتى مارس

انواع الطعم:

الجمبرى - السردين - البساريا و الدود الاسمعلاوى و القراص
الطعم الصناعى ( الريشه و المعلقه )

طرق الصيد :

ممكن تصطاده زى اى نوع سمك بالبوصه او الماكينه

لو حنستخدم البوصه تكون مش اقل من 7 متر و الشعر الاساسى 35 و الارمه بشعر 25 او 30 الفروع 1.25 سم و 1.00 سم وسنار مش اقل من مقاس 5

لو حنستخدم الماكينه فى عدة طرق:
1- التجريه بالمعلقه او الريشه ( المخيله )
2- بالفله و بتبقى الفله كبيره و الرصاص متوازن مع حجم الفله و الارمه زى ارمة البوصه
3- لو فى مياه ضحله يبقى الرصاصه متوسطة و حره و الارمه زى ارمة البوصه

وفى ناس كتير بتقول ان النقط هو صغير القاروس و دى معلومه مش صحيحه النقط سمكه من نفس الفصيله اسمها العالمى Spotted Seabass واقصى حجم مسجل هو 73 سم
اما القاروس الصغير بنقول عليه سياسى و له نفس شكل القاروس بس الحجم صغير

سمك الوقار........

لوقار:

او الهامور زى ما بيسموه فى الخليج هو من الأسماك المرغوبة جداً ، هو يتميز بلحمه الشهي والطري والدهني فهو غني بالأحماض الدهنية وأوميجا3 وهي أحماض غير مشبعة لها دور هام للمحافظة على صحة الإنسان ووقايته من الأمراض من بعض فوائد (أوميجا3) أنها تساعد في تكوين أنسجة المخ والقرنية والعين ، ولها تأثيرات مضادة للالتهابات ، وتخفف آلام المفاصل، وتقوي الذاكرة ، كما وتخفض من احتمال الإصابة بأمراض القلب.
و الغريب في الوقار أنه كلما كبر وزاد وزنه كان لحمه أفضل .. و اكبر حجم تم صيدة يزن 50 كيلو جرام .
وبالنسبة لبيئتها البحرية فإنها تنتشر في أنحاء الخليج والبحر الأحمر و البحر المتوسط ، وتعيش في الأماكن الضحلة القريب ة من السواحل ، وكذلك في الأماكن العميقة بين الشعاب المرجانية والصخور الضخمة ، وتبني بيوتها بمفردها من خلال حفر الرمل بين الصخور وأسفلها .
ويمكن اصطيادها بكل أساليب ووسائل الصيد المختلفة من تقليدية وحديثة ، فهي سهلة الصيد ، وهذا ما يفسر تواجدها المستمر في سوق السمك على مدار العام وليس لها موسم محدد ، ويساعد على ذلك كونها من الأسماك التي تنتج بيوضاً كثيرة تطفو فوق سطح الماء .. عند صيد سمك الوقار يراعى رفعة بسرعة لأن سمك يجيد الأختباء بين الصخور وكثير ما يُعتقد انه يدخل بين الصخور ينفخ جسمة حتي يتشبث بها وينقطع الخيط و الحقيقة ان الوقار يلف جسمة بين الصخور ويبدء في تحريك رأسة بها و بالتالى يحك الشعر في الصخور حتى يقطع.
ومن طرائف صيد الوقار أن هناك ظاهرة نادرة تقوم بها سمكة الوقار وهي أنها إذا ما أرادت أن تفرغ الغازات التي داخل جسمها فإنها تقوم بقلب نفسها على صفحة الماء فتكون في شبه غيبوبة، ويمكن في تلك الأثناء الإمساك بها بسهولة ، واصطيادها دون عناء .
و على فكره اصطدت وقاره من حوالى 3 سنين من الطرح بنفس الطريقه و كان وزنها 16 كيلو
وهي سمكة قوية تتحمل الظروف البيئية القاسية : كارتفاع درجة حرارة المياه الضحلة ، أو البرودة الشديدة ، وعند تكدر صفاء ماء البحر، وقلة الأوكسجين ، وتبقى على قيد الحياة بعد اخرجها من الماء لمدة تصل إلى أكثر الساعة ، كما أنها سمكة لا تشبع من تناول الطعام ، إذ تتسع معدتها بأن تتناول نصف حجمها من الطعام

المعدات المساعدة في عملية الصيد

يستعمل الصياد كثيراً من الادوات والمعدات المساعدة في عملية الصيد، وأهمها: الاثقال والمدور المشبك والسلك والغمازات والعوامات وألواح الغطس والخرز بأشكاله المختلفة وواقيات الخيط والسلك.

-الاثقال: وتستعمل في كثير من طرق الصيد، وهي مصنوعة من مادة الرصاص. وفي الجهود المبذولة لحماية البيئة والمحافظة على الثروة السمكية، يتجه العالم الآن إلى استعمال سبائك من معادن غير ضارة بالبيئة بدلا من الرصاص.

- المدور: ويعتبر من أهم المعدات التي لا يستغني عنها الصياد. ومن الضروري اختيار مداور من الأنواع الممتازة لضمان الجودة وقوة الشد الخاصة بها.

المشبك: ويستعمل لسهولة وَصل الطعم وتغييره، وتوجد مشابك مختلفة الاشكال

والانواع. ويراعى في استعمالها المعايير الخاصة باستعمال المداور، عِلماً أنّ لكلّ مشبك قوة معينة يجب ان تكون متناسبة مع قوة الخيط.

السلك: ويستعمل في كثير من الأحيان لتلافي أسنان الاسماك الحادة التي تقطع الخيط. وتصنع الاسلاك عادة من سبائك خاصة من الصلب، لا تتأثر بسهولة بمياه البحر.

الغمازات والعوامات: وتستعمل في الصيد بغرض تعويم الطعم المستعمل على عمق معين من المفترض تواجد الاسماك فيه، وكذلك كمؤشّر للصياد في حالة ابتلاع السمكة للطعم ومحاولة الهرب به. وتختلف اشكال العوامات والغمازات باختلاف انواع الاسماك والمواسم، ويراعى دائما تناسب حجم العوامة مع الثقل المستعمل والطعم ايضا . كما تستعمل العوامات الكبيرة نسبيا مع الطعم الحي للاحتفاظ به قرب السطح وضمان عدم غوصه.

ألواح الغطس: وهي عبارة عن ألواح عريضة مصنوعة من مواد خاصة مهمتها السباحة بالطعم إلى الأعماق، وتختلف في اشكالها اختلافا طفيفا، ولكن فكرتها الاساسية واحدة. وتعتبر البديل للأثقال، ولكن لها مميزات كثيرة عن الاثقال، أهمها إنها تعتمد على فكرة طيران الطائرة هبوطا وصعودا. ومع الجر، تنزل بالطعم إلى الاعماق، وفي حالة ابتلاع السمكة للطعم تأخذها إلى أعلى، ما يساعد على إنهاك قوى السمكة المُصادة. وهذه الألواح من أحسن الوسائل المساعدة في الصيد لكثير من أنواع الاسماك، وخصوصا اسماك الاعماق التي تسكن الشعاب المرجانية.

الخرز: ويستعمل في صيد الاسماك، وله كثير من الاشكال والالوان، منها الفسفوري، وقد تكون أشكاله مستديرة أو طولية أو على شكل الزيتونة أو ثلاثية...

واقيات السلك: ومهمتها حماية السلك من القطع في الجزء المتصل بالمدور أو السنارة. وهناك واقيات خاصة لهذه المنطقة المعرضة للاحتكاك المستمر، وهي مصنوعة من البلاستيك أو المعدن على شكل طوق مفتوح r يلفّ حوله الخيط أو السلك. وهذه الواقيات تمنع الاحتكاك المباشر للسلك أو الخيط في مكان الشد،

وتساعد في المحافظة علية لمدة طويلة.