الجمبرى المقلى

الجمبرى المقلى


يقشر ماعدا الذيل بيدي شكل شيك خالص 
نغسله كويس ونتبله بالتتبيله دي
ملح +فلفل+كمون+ثوم+بقدونس+شبت+فلفل اخضر+ماء بسيط جدا+عصير ليمون+ كرفس+م زيت في الخلاط كل ده
ونتبله في الثلاجه من بالليل لو مستعجله تبليه قبلها بساعه جربى طعمة جامد جدا جربى وادعيلى
بالنسبه للقلي 
بنعمل خليط من 
دقيق +بابريكا حلوة+ م ص بيكنج بودر +ماء مثلج من الفريزر

نغمس فيه ونقلي ان شاء الله فزيت مغلى جدا ساخن 


الصنف الثالث طاجن الكاليمارى بالارز المصرى

قطعته قطع صغيرة وقطعت معه 


طماطم + فلفل أخضر+فلفل ألوان+ كسبرة خضراء +بقدونس +بصل+ثوم+معلقة طعام صلصة
وتبلته ب
ملح وفلفل اسود وليمونه وكمون وتوابل سمك ,كرفس وضعيه 
من بالليل بالثلاجة ثم خرجيه وممكن لو مستعجله تبليه قبلها بساعه طعمه جامد جدا جربى وادعيلى
اديته غلوتين عالنار وبعد كده دخلته الفرن ولما استوى حطيته اخد وش تحت الشواية 
حطي كمية من الزيت 
وحطي عليه طماطم + فلفل أخضر+فلفل ألوان+ بصل+ثوم +كرفس
جمبري مقشر +شرائح من السبيط والكاليماري وتبليهم ب
ملح + فلفل اسود+قرفة+زنجبيل+كركم+كاري+توابل سمك 
وسيبيه على النار لحد ما ينزل ميته ويشربها والزيت يطلع على وشه 
كده بقى تضيفي السائل بتاعك على اد لارز 
انا الحمد لله كان عندي شوربة جمبري كتير فسويته بيها ولما تغلي تضيفي الارز المصري المغسول وتقلبي وتهدي النار وتغطي 

سمك دنيس بالفرن

سمك دنيس بالفرن 


سمك دنيس بالفرن 
اولا طبعا بننضف السمك ونغسله كويس وننضف بطنه 
ونشقه من ضهره 3 شقوق لان السمك ضهره عالي وسمين ماشاء الله
ونجهز التتبيله دي

ليمونة مقشرة +8 فصوص ثوم+قرن فلفل+فنجان خل+2 م زيت+م ص كمون+ ملح .. في الخلاط
وده لكل كيلو تقريبا حسب الكمية اللي عندك بقى
وتتبليه من قبلها بيوم في الثلاجة
بعد كده نقطع 
طماطم +بصل+ثوم+ فلفل أخضر+فلفل ألوان+ ليمون+جزر مبشور 
ونضع عليهم زيت +ليمون معصور وفلفل اسود 
ونحطهم تحت وفوق السمك في الورق الفويل
ونكب عليه زيت 
ونغطيه بالفويل من فوق كمان كويس
يدخل الفرن على حرارة متوسطة تقريبا ساعه وبعد كده نشيل الورق الفويل من فوق ونشغل الشواية دقايق
نتوكل على الله وندخل على الصنف التاني 

شوربة السى فود

شوربة السى فود

شوربة السى فود
الطريقه
نشوح بصل مفروم ومعاه جمبري وسبيط متقطعين رفيع ولو في بقي شويه كابوريا وسبيط وقليل من الجندوفلى وممكن حتتين سمك فيليه نقطعهم ونحطهم
ثم يشوح الجندوفلى اولا مع قليل من البصل المفروم والثومثم نضع الباقى (جمبرى+كابوريا +سبيط+قطع السمك الفليه)
ملحوظه
يجب استخدام الكرفس 
بعد ماكله يتشوح نحط معلقه دقيق ونلفهم بيها علشان تتقل الشوربه شويه 

وبعدين نحط البيز اللي عملناه ونسيبهم كلهم يغلوا علي النار 

ونتبل الشوربه ملح وفلفل وفي الاخر نحط كريمه لباني وتقدم طبعا ساخنه وينصح مع اكل الاسماك الجرجيرو شرب عصير الليمون
والف هنا وشفا

الالبوم الثاني لرحلة صيادين السمك "راس بناس"

الالبوم الثاني لرحلة صيادين السمك "راس بناس"

 

 

عبد الحي عمام

ياسر الرسول

احمد فتحي

حسين محفوظ

صبري حامد

محمود ابو الفتوح

 

 

،تحضير كاليماري محشى ،كاليماري محشي لذيذ

،تحضير كاليماري محشي2013،كاليماري محشي لذيذ



 
المقادير

• بقدونس طازج مفروم ناعم, كأس
• ملح حسب الرغبة,
• جمبري مُقشَّر ,1.50 كأس
• ثوم مفروم ناعم,5 فص
• زيت زيتون ,0.25 كأس
• عصير الطماطم ,1.50 كأس
• خل أبيض ,0.50 كأس
• كاليماري طازج كامل ,350 غرام
• زيتون أخضر مخلي ومحشي , كأس
• أرز مسلوق ,2 كأس

طريقة التحضير
- نظِّفي الكاليماري جيداً، وإقطعي رأسهُ وضعيهِ جانباً، وأفرغي ما بداخلهِ ثم إغسليهِ جيداً من الداخل والخارج بإستخدام الملح.
- أحضري مقلاةً عميقةً وسخِّني فيها الزيت، وضعي فيها شرائح البصل، والثوم، وقلبيهم معاً لمدة 5 دقائق، ثم أضيفي رأس الكاليماري المقطَّع، والجمبري، والأرز، وكميةً مناسبةً من عصير الطماطم، والبقدونس المفروم، الملح، والفلفل الأسود.
- قلِّبي المحتويات جيداً لمدة 10 دقائق، ثم إرفعي المقلاة من على النار.
- أحضري الكاليماري وقومي بحشي كلٍ منهُ مع ترك فراغٍ بسيطٍ من أعلى ثم أغلقيهِ بواسطة عصا خشبية رفيعة.
- سخِّني الزيت في مقلاة، ثم ضعي الكاليماري فيه لمدة 3 دقائق ثم أخرجيهِ من الزيت.
- ضعي الكاليماري في قدرٍ على النار ثم ضعي عليهِ ما تبقى من صوص الطماطم، وربع كوب من الخل، وأتركيه لمدة 30 دقيقة على نارٍ هادئة جداً.
- إرفعي القدر من على النار ثم ضعي الكاليماري في طبق التقديم وأُسكبي عليهِ صوص الطماطم.
- قدِّمي الكاليماري المحشي ساخناً وتمتعي بالمذاق البحري الشهي.

طريقة عمل الكاليمارى

(الكاليمارى)

المقادير 

كيلو كلامارى مقطع شرائح وبالطبع نضيف ومغسول 

حزمة كزبرة خضرا مخرط ناعم 

حزمة بقدونس مخرط 

حزمة كسبره خضرا 

حوالى عصير 2 ليمونه كبيرة(ممكن استبدالها بالخل ) لكنى افضل الليمون عم البحريات 

ملح وفلفل وبابريكا 

2 بصله مخرطه اجنحه او شرائح 

قليل من الزيت 

حاولى 2 ملعقه صغيره ثوم مفروم 


الطريقه مع الصور خطوه خطوه 


اولا تبلى الكليمارى بالثوم وقليل من 






 





حط الكليمارى فى طاس او حله عميقه وونشوح بقليل من الزيت مع وضع التوابل والبابريكا مع تقليبه على النار كما فى الصوره 

 




بعد تشرب اغلب سوايل الكليمارى نحط البقدونس والكزبرة الخضراء وشرايح البصل ونقوم بالتقليب 

زى الصوره 

 




هدى النار الى ان يتشرب اغلب سوائله مع التقليب المستمر غالبا لا اضيف ماء لان الكليمارى بيطلع ميته بنفسه 

ثم نضيف طرنشات البطاطس مع عصير الليمون كما فى الصورة 

 



وفى النهاية نضيف الكرفس ونقلب وبعدين نغطى الحله ونتركها على نار هادية الى ان يتم نضجها تماما 

عندما يعشق الكاليمارى

اخوانى الصيادين....
وخاصة صيادين النييل....
السنة دى لما النيل ادانا قفاة بدرى بدرى.....قررت اخصص الشتا دة لصيد تانى...بينى وبينكم بدأت بالبنادق ولكن كان حنينى لصيد السمك اكتر........
المهم استغليت اول رحلة وطلعت مع مجموعة صيد شط قبل الزعفرانة بكام كيلو... كنا اربع افراد ...وكان الصيد صيد شط....والتاريخ
30 نوفمبر 2012 
وكانت اول رحلاتى لصيد الكاليمارى....اشتريت كام ربالة واتكلت على الله وروحنا وقت الصيد كان من 6 المغرب ل 6 الصبح...........
والحمد لله ربنا كرمنى ب 8 حتت كاليمارى كان فيهم رزق حتتين لقطة او فار خطفتهم وجريت هههههههههه وسابتلى 6
الحمد لله كنت عامل حسابى بلبس غامق عشان الحبر وكمان مهم تطلع الكاليمارى على جنب ماتطلعوش فى وشك مباشر وتسيبة على الأرض كام ثانية يتف حبرة كلة وانت تبقى ف امان يا معلم
صيد الكاليمارى ممتع جدا عوضنى شوية عن حب حياتى الريم
محتاج صبر ولياقة كل شويى تحدف وتلم مرهق جدا بصراحة لكن فرحتة ممتعة....
اول ما روحت شبك معايا اتوبيس نهرى اعتقد مش اقل من اتنين كيلو لكن لقلة خبرتى راح منى ....واتعودت على اكلتة ومشى الحال الحمد لله
مش محتاج تلج معاك خالص لو اصطدت الصبح بتشيل بطنة وتغسلة كويس وممكن يقعد معاك فى الشنطة من غير تلج ممكن لغاية الساعة 3 الضهر لو انت بطلت صيد 6 الصبح....لكن لو سبت بطنة فية ممكن يضرب

ناس هتقولك هات ربالة يابانى ب 75 جنية وهيقولك دى احلا وامتن وبتجيب التايهه...........انسا الكلام دة كان معانا اتنين بيستخدموا ربالة يابانى وانا وواحد تانى صينى...........

وكانت النتيجة انى جبت 8 حتت والشخص التانى 4 حتت واليابانيين واحد جاب6 وواحد جاب 4
استخدم ربالة قماش صينى وادعيلى ولما تشتريها غرقها امير عشان القماش بتاعة بيتقطع ههههههه صينى بقا....وخلى بالك صينى يابانى كلة لو شبك بيتقطع....

الطريقة تعمل غماز كبير وتحتة رصاصة حجم حباية العنب البناتى الطبيعى ومدور وبعدين تربط الربالة بتاعتك ويبقا بينها وبين المدور 50 سنتى.....وتحدف على قد ما تقدر اة نسيت فية مقاسات للربالا منها مثلا 3 و 3.5 و 4 و 4.5 و 5 انا اشتريت 3.5 و 4 كل ما تطلع فى الرقم بيبقا الرصاصة بتاعتها اتقل اللى هى تحت السمك وبيبقا مكتوب عليها المقاس.....والربالة اللى انا استخدمتها ظاهرة فى احدى الصور المرفقة

الناس اللى كنت معاهم قالوا ان الموسم من شهر 11 ل 3 
واعتقد ان دة ممكن بكون منفذ لصيادين النيل فى الشتا لما النيل يبخل عليينا وفنفس الوقت تكاليف الرحلة بسيطة ...لو حتى اربع صيادين أجروا عربية تروح معاهم تاكس او غيرة واقتسموا التكاليف هتبقى بسيطة انشاء الله......ويستمتعوا بوقتهم 

كان فية ناس تانيين طلعوا بعدنا ب اتنين كيلو ربنا رزقهم باحجام اكبر واحدة حوالى كيلو ونص وكيلوها وانصاص.....

حبيت اشارككم الرحلة دى وخصوصا صيادين النيل اللى ممكن يتمتعوا زيى وبتكلفة بسيطة.......وخصوصا صيادين الريم لأنهم هيتمتعوا اوى فى صيد الكليمارى لأنة محتاج شخص صبور جدا وصيادين الريم معروفين بالصبر