سلطة رنجة مع زيتون مخلل

سلطة رنجة مع زيتون مخلل

المقادير
2 سمك رنجة مُدخنة
3 ملعقة كبيرة زيت زيتون
2 ملعقة كبيرة خل أحمر
3 ملعقة كبيرة عصير ليمون
2 بطاطس صغيرة مسلوقة ومُقطعة مكعبات
4/1 كوب أوراق بقدونس وكزبرة طازجة
1 كوب زيتون أسود وأخضر مخلل
8-10 طماطم صغيرة Cherry أنصاف

الطريقة
- تقشر الرنجة من الجلد وينزع العظم وتقطع إلى قطع صغيرة (مع التأكد من عدم وجود أي عظم بها).
- تُخلط الرنجة مع زيت الزيتون، الخل وعصير الليمون في وعاء عميق.
- تُضاف البطاطس، الأعشاب، الزيتون المخلل والطماطم وتُقلب المكونات جيداً.
- تُوضع في طبق التقديم وتُقدم مع الخبز العربي.

كعكة شم النسيم

كعكة شم النسيم



المقادير :
قطعة خميرة في حجم عين الجمل أو معلقة صغيرة من الخميرة الجافة .
ثلث كوب سكر سنترفيش .
كوب لبن دافيء .
3 و نصف كوب دقيق .
نصف ملعقة صغيرة ملح .
نصف كوب زبدة .
2 بيضة مخفوقة قليلاً .
2 ملعقة صغيرة بشر برتقال .
3 ملاعق كبيرة زبيب .
1 بيضة لدهان الوجه .
1 ملعقة كبيرة لوز مجروش .
4 بيضات مسلوقة وملونة بألوان طبيعية .

الطريقة :
تدعك الخميرة مع 2 ملعقة سكر واللبن وتترك في وعاء ويغطي وتترك في مكان دافيء لمدة 10 دقائق .
يوضع الدقيق مع الملح في وعاء كبير ويقلب معه باقي السكر وخليط الخميرة ، والزبدة والبيض وبشر البرتقال ويقلب الخليط حتي يكون عجينه لينة .
توضع العجينة فوق سطح مدهون بالزيت وتغطي وتترك في مكان دافيء لمدة ساعة أو حتي تتضاعف في الحجم (تخمر) .
في تلك الأثناء يسلق البيض ويلون بالألوان الطبيعية .
تدعك العجينة مرة اخري علي سطح مرشوش بالدقيق ويضاف الزبيب ثم تقسم إلي 3 قطع متساوية وتبرم القطع علي شكل حبال عريضة ثم تضفر ، وتوضع في صينية مدهونة بالزبد ويصنع بها كعكة مستديرة وتغلق من الجوانب بالضغط علي العجينة بالأصابع .
يوضع البيض الملون في الكعكة وتغطي وتترك مرة أخري في مكان دافيء لمدة 40 دقيقة أوحتي يتضاعف حجم العجين .
في تلك الأثناء يسخن الفرن ثم تدهن الكعكة بالبيض وترش باللوز المجروش وتوضع في الفرن علي درجة حرارة 180 لمدة نصف ساعة أو حتي النضج وتصير ذهبية اللون .
تخرج من الفرن وتترك لتبرد وتقدم باردة مع الاحتفال بأعياد شم النسيم .

وبالهنا والشفا ... وعيد سعيد ...

من وصفات شم النسيم طريقة عمل سردين بالخضار

من وصفات شم النسيم

طريقة عمل سردين بالخضار

المقادير:
- 650 غ سردين مغسول
- حبتا بصل
- حبتا جزر
- 6 فصوص ثوم مفرومة بدون تقشير
- 5 أوراق سيدنا موسى
- 5 أوراق زعتر طري
- حبة فلفل حارة مقطعة إلى دوائر
- 30 سل زيت زيتون
- 20 سل خل
- كأس صغير ماء
- زيت للقلي
- ملح
- بضع حبوب الكمون

* التحضير
:
- في زيت ساخن مرري البصل المقشر والمقطع والجزر المقشر والمقطع إلى دوائر، أضيفي باقي المقادير وتبلي بالملح واتركي الجميع يطهى لمدة 15 دقيقة.
- اغمري السردين كاملا لمدة 3 دقائق في زيت ساخن جدا، ثم أزيليه وضعيه فوق ورق نشاف لامتصاص فائض الزيت.
- ضعي السردين في طبق وأضيفي مزيج البصل والجزر وقدميه ساخنا

صور طرق عمل الرنجة والفسيخ شم النسيم 2014 وصفات مميزة ..........

صور تزين الرنجة والفسيخ بشم النسيم 2014 صور طرق عمل الرنجة والفسيخ شم النسيم 2014 وصفات مميزة 

بنجدد عادتنا الفرعونية كل سنة مع أكل الرنجة والترمس والبيض الملون النهاردة هيكون مميز جدا بأكلاته الربيعية المملحة،
ووصفاته الجديدة المتنوعة،

ممكن تزيني الطبق بقشر الليمون والبقدونس

رنجة بالمسطردة
المقادير:

4 رنجات 

بصلة

¼ كوب خل

¼ كوب ميه

ملح وفلفل أسود

2 ملعقة مسطردة

فلفل ملون مفروم صغير

½ حزمة شبت مفرومة

الطريقة:
1- أول حاجة هتنقعي الرنجة في ميه مغلية لمدة 2 : 3 دقائق علشان تنزل الميكروبات.

2- نظّفي الرنجة وانزعي منها السلسلة والجلد والرأس والذيل، واقسميها نصفين.

3- قطّعي البصل حلقات رفيعة ورصّيها فوق الرنجة.

4- اخلطي الخل والميه والفلفل الملوّن المفروم والشبت المفروم والفلفل الأسود والمسطرده واطبخيهم على النار لمدة 6 : 8 دقائق.

5- سيبي الخليط ده يبرد وصبّيه على الرنجة وغطّيها وحطيها في الثلاجة مدة كافية علشان الرنجة تتشرّب الصوص، وبالهنا والشفا.

*******************




عند التقديم صبّي الكريمة على الرنجة 

رنجة بالكريمة
المقادير:
4 رنجات 
2 بصل
ليمونة
½ كوب زيت
كوب كريمة طهي
ملعقة صغيرة سكر
¾ كوب عصير ليمون
الطريقة:
1- انقعي الرنجة في ميه مغلية لمدة 2 : 3 دقائق، وبعدين نظّفيها واخليها.

2- اقسمي الرنجة نصفين وحطّيهم في قالب عميق، وحطّي بينهم شرائح رفيعة من البصل وشرائح الليمون.

3- اخلطي عصير 3 ليمونات مع السكر والزيت وصبّيهم على الرنجة.

4- غطّي الرنجة وحطّيها في الثلاجة لمدة نصف يوم أو يوم كامل.

5- طلّعيها من الثلاجة وصفّيها من السائل، وبعدين خدي 4 ملاعق كبيرة من السائل ده واخلطيه مع الكريمة.

6- عند التقديم صبّي الكريمة على شرائح الرنجة وزينيها بالبقدونس.. وبالهنا والشفا.

*******************





رصّي الرنجة مع البصل والجزر وصبّي عليهم الخليط

رنجة بالخل والسكر
المقادير:
4 رنجات
كوب خل
كوب سكر
2 ثمرة جزر
بصلة صغيرة
1 و½ كوب ميه
فلفل أسود وأبيض
2 ملعقة صغيرة مسطردة
الطريقة:
1- انقعي الرنجة في ميه مغلية لمدة 2 : 3 دقائق، وممكن تنقعيها في لبن علشان تتخلصي من الملح الزيادة.

2- نضّفيها واخليها بس سيبي الجلد فيها وقطّعيها لشرائح رفيعة.

3- اخلطي الميه والسكر والخل والمسطردة والفلفل، وحطّيه على النار لحد ما يغلي، وبعدين ارفعيه وسيبيه يبرد.

4- رصّي الرنجة وحلقات البصل والجزر في قالب وصبّي عليهم الخليط، بحيث إنه يغطي الرنجة كلها.

5- سيبي الرنجة في الثلاجة مدة كافية لحد ما تتشرّب من الخليط كويس، وقدّميها.. بالهنا والشفا.

*******************




صبّي الصوص على السلطة

سلطة الرنجة
المقادير:
2 ثمرة جزر
2 ثمرة بنجر
خيار مخلل
فلفل أبيض
حبة بصل صغيرة
رنجة متوسطة مخلية 
2 ثمرة بطاطس متوسطة

لعمل الصوص:
كوب كريمة أو زبادي
ملعقة عصير ليمون
2 ملعقة عصير بنجر
سكر
ملح 
الطريقة:
1- اسلقي البطاطس والجزر في حلة، واسلقي البنجر في حلة تانية.

2- قشّريهم وقطّعيهم مكعبات أو أي شكل تحبيه، ومعاهم البصل والخيار المخلل والرنجة واخلطيهم مع بعض.

3- اخلطي مكونات الصوص كويس وصبّيها على السلطة، وحطّي عليها مكعبات البنجر قبل التقديم على طول.. وبالهنا والشفا.

*******************

ممكن تقدّمي معاه عيش محمص

معجون الرنجة
المقادير:
كيلو رنجة
½ كوب طحينة
3 ثمرات طماطم
2 فلفل حامي
كمون وشطة
عصير ليمون
بصلة صغيرة
زيت وخل
الطريقة:
1- اسلقي الرنجة في ميه مغلية لمدة 2 : 3 دقيقة علشان تقتلي الميكروبات والبكتيريا.

2- نضّفيها وانزعي منها الشوك والجلد واخليها تماما وقطّعيها قطع صغيرة.

3- قطّعي عليها البصل والطماطم والفلفل وحطّي معاهم الطحينة والخل والكمون والشطة واضربيهم في الخلاط.

4- هيطلع معاكِ معجون رنجة وعند التقديم حطي عليه زيت وعصير ليمون، وقدّمي معاه عيش محمص.. وبالهنا والشفا.
ملحوظة: 
ممكن تحطّي معاها البطارخ، وممكن تعملي البطارخ بالطريقة دي لوحدها من غير رنجة.

*******************




عند التقديم حطّي له ملح وكمون وشطة وليمون

بعد ما خلصنا وصفات الرنجة، هنعرف مع بعض إزاي نحضّر الترمس وحمص الشام..

الترمس
كل اللي عليكِ إنك تشتري الترمس من عند أي عطار، بس خلّي بالك، لأن فيه نوعين من الترمس؛ نوع بلدى ونوع مستورد، والطريقة واحدة في الاتنين بس بتفرق في المدة اللي هيحتاج إنه يتنقع فيها، لأن البلدي بياخد وقت أطول، علشان كده يفضّل إنك تستخدمي المستورد علشان ما ياخدش وقت، ودي طريقته..

1- هتجيبي الترمس وتغسليه كويس، وتنقعيه في الميه لمدة 12 ساعة.

3- بعد كده حطّيه في ميه على النار وسيبيه يستوي لمدة ربع ساعة، أو لغاية ما القشرة تستوي، وبعد كده صفّيه من الميه بتاعته واشطفيه كويس، وملّحيه، وسيبيه لمدة 3 : 4 ساعات وبعد كده قدّميه.

4- عند التقديم، حطّي له خلطة من الملح والكمون والشطة والليمون.. وبالهنا والشفا.

*******************

قدّمي عصير ليمون مع حمص الشام

حمص الشام
المقادير:
½ كيلو حمص
كمون وملح وشطة
5 ثمرات طماطم مبشورة
3 فصوص ثوم مفرومين
بصلة صغيرة
ليمون
الطريقة:
1- اغسلي الحمص كويس وانقعيه في الميه لمدة من 8 : 10 ساعات علشان يبقى أسهل في التسوية.

2- اغلي ميه وحطّي فيها الحمص ومعاها الثوم المفروم والطماطم المبشورة والبصل المبشور.

3- سيبيه على نار هادية لمدة نصف ساعة، ولما تحسّي إنه دخل في السوى، حطّي عليه ملح وكمون وشطة، وعند التقديم حطّي عليه عصير ليمون.. وبالهنا والشفا.

وبكده تكون خلصت وصفاتنا النهارده..

بريوش شم النسيم المضفر

أطباق شم النسيم كثيرة، لذلك سنكون معك دائما ونقدم لك أطباق مميزة ومختلفة لشم النسيم، واليوم  نقدم لك طريقة عمل بريوش شم النسيم المضفر

المكونات:

700 جرام دقيق (قطعتان)
½ كوب زيت
½ كوب حليب دافئ
ملعقة كبيرة خميرة
100 جرام سكر
2 بيضة
صفار بيضة
½ معلقة صغيرة ملح

طريقة التحضير:

1- توضع الخميرة مع الدقيق والملح في وعاء، ثم يضاف السكر ويقلب جيدا.

2- تضاف البيضتان إلى الخليط، ثم مقدار الزيت ويفرك باليد جيدا حتى يبدأ العجين في التماسك.

3- يضاف الحليب الدافئ ويعجن جيدا حتي يصبح قطعة واحدة.

4- يغطى العجين بالبلاستيك، ويترك في مكان دافئ حتى يخمر لمدة ساعة تقريبا.

5- يقسم العجين إلى كرات متساوية الحجم.

6- تؤخذ ثلاث كرات صغيرة من العجين، وتشكل كل قطعة على هيئة اسطوانة متوسطة الحجم.

7- تلصق أطرف الثلاث اسطوانات من طرف واحد، ثم يتم تضفير العجين.

8- تعاد الخطوتان السابقتان مع باقي كرات العجين.

9- تشكل ضفيرة العجين على هيئة دائرة، وترص في صينية مدهونة بزيت نباتي.

10- يدهن وجه “البريوش” بصفار البيضة، و يرش عليه قليل من السكر ثم يدخل الفرن لمدة 25 دقيقة.

- See more at: http://www.washwasha.org/?p=54731#sthash.eLlEhrG8.dpuf

شم النسيم مش هلون البيض لاء هلون موس قوس قوزح

 
هنعمل موس ملون بدل البيض الملون ههههههههههههههههه 
انا الي هلونلكم الموس 

طريقة موس قوس قزح ..... الطريقه على السريع بس خلى بالكم من المقادير الوان صناعية من عند العطار حلى معلقه ونص فى معلقه ميه ... 25جرام جيلاتينا بودر تنقع فى مية وبعد ما تنقع شويه اعمليلها حمام ماء مغلى على النار حتى الزوبان ... ربع كيلو كريم شنطة خام واخفقة بالبن او المية حسب الرغبه وبعدها ضيفى عليها الجلاتينه بعد ما هدية حرارتها ونمزجهم مع بعض كويس ..... قسمى خلايط الكريمه بقه وحطى على كل مقدار لون .... هاتى بقه اسبونش كيك وضعية فى قاع القالب وصبى كل مقدار زى الشكل وبعدها ضعيها فى الفريزر حتى تجمد فكى القالب وحطيها فى الثلاجه العادية بقه حتى موعد التقديم 

تسالى شم النسيم(ترمس وفول وحمص)

تسالى شم النسيم(ترمس وفول وحمص) 

كل سنه وانتم طيبين النهارده جيبالكم طرق الترمس والفولوالحمص 



زى الراجل اللى بيمشى بالعربيه على الكورنيش بعربية الترمس انا بشوف الناس بتعمل

الترمس والحمص بس انا النهارده زودت الفول اصل انا بحبه اوى  كفايه رغى وندخل

فى المفيد اكيد كلنا عارين الطرق بس انا هقولهالكم تانى

اولا الترمس :::::::::

نجيب الكميه بتاعتنا وننقعها فى ميل قبلها بليله وبعدين نغسله ونسلقه ونسيبه يبرد ونصفى

ميته ونحطه فى طبق ونغير الميا كل شويه عشان المراره اللى فيه تروح وكل ما غيرنا الميا اكتر

كل ما اتعمل اسرع هو فى الترمس الفورى اللى بيتسلق وبيتاكل على طول بس طعمه مش حلو زى

العادى الل بياخد 3 ايام دا وبعدين لو دوقتيه ولاقيتى المراره راحت يبقى حطى الملح حسب الرغبه

وسيبيه فى الميا بتاعته فى التلاجه عشان ميجرالوش حاجه لا يبوظ الميا تحفظه وتطلعى من الميا

وتحطى فى اطباق عند الاكل وممكن تحطى ليمون وتحطى كمون وشطه حسب الرغبه ودا شكله



ثانيا طريقة الفول::::::

نجيب الفول بتاع التدميس العادى وننقيه وننقعه برده ليله كامله ونسلقه فى الحله سلق عادى

ولما يستوى نحط لملح والكمون والشطه والفلفل حسب الرغبه ودا شكله


ثالثا طريقة الحمص::::::::
نجيب الحمص برده ننقيه وننقعه ليله ونغسله ونسلقه ونحط برده الملح والكمون والفلفل
والشطه حسب الرغبه الملح اساسى فى اى حاجه والباقى اختيارى يا عسلات ودا شكله


وممكن كمان نحط بصل مخلل مع التسالى دى يبقى جامد نقدر نسميها المذه 


ملحوظه :::كل صنف يا جماعه يفضل فى ميته للحفاظ عليه فى التلاجه اكبر فتره ممكنه

وكده الحمد لله خلصت ويارب تقييموا يا قمرات وتردوا وتسعدونى بمشاركاتكم