سمك دنيس بالفرن
سمك دنيس بالفرن
اولا طبعا بننضف السمك ونغسله كويس وننضف بطنه
ونشقه من ضهره 3 شقوق لان السمك ضهره عالي وسمين ماشاء الله
ونجهز التتبيله دي
ليمونة مقشرة +8 فصوص ثوم+قرن فلفل+فنجان خل+2 م زيت+م ص كمون+ ملح .. في الخلاط
وده لكل كيلو تقريبا حسب الكمية اللي عندك بقى
وتتبليه من قبلها بيوم في الثلاجة
بعد كده نقطع
طماطم +بصل+ثوم+ فلفل أخضر+فلفل ألوان+ ليمون+جزر مبشور
ونضع عليهم زيت +ليمون معصور وفلفل اسود
ونحطهم تحت وفوق السمك في الورق الفويل
ونكب عليه زيت
ونغطيه بالفويل من فوق كمان كويس
يدخل الفرن على حرارة متوسطة تقريبا ساعه وبعد كده نشيل الورق الفويل من فوق ونشغل الشواية دقايق
نتوكل على الله وندخل على الصنف التاني
ليست هناك تعليقات:
إرسال تعليق