الاثنين، 12 مايو، 2014

طريقة عمل سمك بوري بالزيت والليمون......


طريقة عمل سمك بوري بالزيت والليمون


وصفة و طريقة عمل  سمك بوري بالزيت والليمون في مطبخ فتكات




  • لكمية تكفي:4 أشخاص
  • وقت التحضير:30 دقيقة
  • وقت الطهي:15 دقيقة
  • المقادير:سمك بوريوكرفس / فلفل حار/ توم / شرايح ليمونملح/كمون/ كسبره
  • التحضير:السمك البوري طبعا ويكون متنضف ومغسول كويس جدا ونعمل فيه شقوق بالسكينه
  • الطبخ:بناخد الخلط نفرمها كويس فى الكبه لان دي بنحشي بيها السمك
    بعدين بنحشي بيها السمك بس منكترش ونتبل بيها من بره
    نسيبه فى التتبيله دي شويه ممكن نص ساعه وبعدين نجهز خلطه الزيت والليمون
    هي معلقه خل ومعلقتين زيت وعصير ليمون زي ماتحبي
    وخلطه البهارات بتاعتي توم بودر/ كسبره/ كمون/بابريكا/ ملح/وطبعا عصير ليمون حسب رغبتك
    ونحط من الخليط ده على السمك
    وبعدين نفتح الفرن يسخن ونجهز الفويل الى هنحطه فيه
    حطي اى خضار تحبيه طماطم او فلفل شرايح ليمون شرايح بطاطس الى موجود ولو مفيش عادي برده
    وحطي جواها السمكمه واقفلى الورقه زي ماتكون قارب كده
    المفروض بنحط فى الشقوق شرايح ليمون بس انا مكانش عندي ليمون فريش واستخدمت الجاهز
    التسويه باه
    مش بياخد اكتر من ربع ساعه فى الفرن وتحت الشوايه
    بيتقدم مع رز احمر او ابيض وسلطه خضرا
    عاوزه اقول حاجه مهمه الفلفل الحار فى السمك ليه مفعول رهيب
    بيشيل الزفاره خالص ومش بيخلى الاكل حراق
    وبالهنا والشفا

المشاركات الشائعة

أرشيف المدونة الإلكترونية